Davlatobod tumanida “Korrupsiyasiz hudud” loyihasini amalga oshirish bo‘yicha taqdimotdan so‘ng Korrupsiyaga qarshi kurashish agentligi vakillari tumandagi bir nechta muassasa va tashkilotlarga tashrif buyurishdi. Xususan, Davlat xizmatlari markazi, tuman adliya bo‘limi, “O‘zmilliybank” AJ Namangan filiali hamda notarial idoradagi aholiga ko‘rsatilayotgan xizmatlar, korrupsiyani oldini olish bo‘yicha ko‘rilayotgan choralar ko‘zdan kechirildi. 

Xodimlar bilan, shuningdek jamoatchilik  vakillari bilan to‘g‘ridan-to‘g‘ri ochiq muloqot tashkil qilish orqali korrupsiyaga sabab bo‘layotgan omillar va muammolar o‘rganildi.
O‘rganishlar jarayonida xizmatlarni raqamlashtirish, kredit berish jarayonlarini shaffoflashtirish, notarial xizmatlarni onlayn shaklga o‘tkazish kabi masalalar yuzasidan mas’ullarga tegishli tavsiyalar berildi.