Agentlik vakillari tomonidan hududlarda O‘zbekiston Respublikasi Prezidentining 2021 yil 16 iyundagi “Davlat organlari va tashkilotlarining faoliyati ochiqligini ta’minlash, shuningdek, jamoatchilik nazoratini samarali amalga oshirishga doir qo‘shimcha 
chora-tadbirlar to‘g‘risida”gi farmoni mazmunini tushuntirish va ijrosini ta’minlash yuzasidan turkum seminarlari tashkil etilmoqda.
Joriy yilning 14 iyul kuni Farg‘ona viloyatida seminarlarning navbatdagisi tashkil etildi.
 

Seminar Agentlik direktori Akmal Burxanov hamda viloyat hokimining birinchi o‘rinbosari Avazbek O‘rinboyev ishtirokida o‘tkazildi.
Tadbirga viloyat hokimligi va tuman (shahar) hokimliklari rahbar va mas’ul xodimlari, sektor rahbarlari, shuningdek mutasaddi idoralar vakillari jalb qilindi.

Tadbir davomida Agentlik mas’ul xodimi tomonidan ishtirokchilarga yangi qabul qilingan farmon mazmuni tushuntirildi hamda mazkur farmon bilan belgilangan yangi talablar, shu jumladan Vazirlar Mahkamasining 2013 yildagi 355-son qaroriga kiritilishi rejalashtirilgan o‘zgartirish va qo‘shimchalar haqida tushuntirish berildi.

Xususan, Farmonga muvofiq davlat organlari va tashkilotlar tomonidan ochiq ma’lumotlar sifatida joylashtirilishi belgilangan ijtimoiy ahamiyatga molik ma’lumotlar to‘g‘risida tushuntirish berildi.
Shuningdek, tadbir davomida hududda farmon ijrosi bo‘yicha bugungi kunda mavjud kamchiliklar ko‘rsatilib, ularni bartaraf etish bo‘yicha tegishli taklif va tavsiyalar berib o‘tildi.