Korrupsiyaga qarshi kurashish agentligi va  Kadastr agentligi hamkorligida ayni shu mavzuga bag‘ishlangan videoselektor yig‘ilishi tashkil etildi. 

“Aksilkorrupsiya haftaligi” doirasida o‘tkazilgan mazkur tadbirda korrupsiyaga qarshi kurashish sohasidagi davlat siyosatining asosiy yo‘nalishlari — aholining huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish yuzasidan o‘zaro fikr almashildi.

 Shuningdek, davlat va jamiyat hayotining barcha sohalarida korrupsiyaning oldini olishga doir chora-tadbirlarni amalga oshirishga qaratilgan  davlat dasturlari va ularning ijrosi xususida so‘z yuritildi. Bu borada Agentlik tomonidan hayotga tatbiq etilayotgan loyihalar, zamonaviy yondashuv va samarali usullarga ham to‘xtalib o‘tildi. 

Ishtirokchilar  korrupsiyaga oid huquqbuzarliklarni aniqlash, ularga chek qo‘yish va oldini olish, ularning oqibatlari, imkon beruvchi sabablari muhokamasi jarayonida o‘z taklif va mulohazalarini bildirdi.  Jumladan, korrupsiyaga qarshi kurash maqsadlariga faqat jinoyat-huquqiy vositalar bilan erishib bo‘lmasligi qayd etilib, bunday illatning oldini olish va uni bartaraf etishda nafaqat davlat organlari, balki jamiyatning barcha a’zolari, xususan, fuqarolarning birgalikdagi sa’y- harakati eng maqbul va samarali natija berishi alohida qayd etildi.