Fuqarolik jamiyati institutlari vakillari diqqatiga!

        Korrupsiyaga qarshi kurashish agentligi tomonidan Oʼzbekiston Respublikasi Prezidentining 2022 yil 12 yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari toʼgʼrisida”gi PQ-81-son qaroriga asosan davlat organlarining korruptsiyaga qarshi kurashish boʼyicha faoliyati samaradorligi baholashdan oʼtkazilmoqda.

        Mazkur  jarayonlarning  xolisligi  va  shaffofligini  taʼminlash  maqsadida  reyting  baholashni  mustaqil amalga  oshiruvchi  ekspertlar guruhini shakllantirish  rejalashtirilgan.

         Ekspertlar qoida tariqasida quyidagi talablarga javob berishi kerak:

➖Oʼzbekiston Respublikasi fuqarosi boʼlish;

➖oliy maʼlumotga ega boʼlish;

➖mutaxassisligi boʼyicha kamida 5 yillik ish stajiga ega boʼlish;

➖korruptsiyaning oldini olish va unga qarshi kurashish sohasida bilim va koʼnikmalarga ega boʼlish.

        Ekspertlar guruhi Аgentlik direktori buyrugʼiga asosan 9 kishidan iborat tarkibda shakllantirilib, guruhning kamida 3 nafar aʼzosi guruh ishida ishtirok etish istagini bildirgan fuqarolik jamiyati institutlari vakillari orasidan tanlab olinadi.

       Shunga  koʼra,  ushbu  ekspertlar  guruhi  ishida  ishtirok  etish  istagini  bildirsangiz,  ilova  qilinayotgan arizani toʼldirib, 2022 yil 22 aprelga qadar info@anticorruption.uz elektron pochta manziliga bu haqda xabar berishingizni soʼraymiz.