(2020 йил ва 2021 йил 1-чорак якунлари бўйича)

1. Қонун ҳужжатлари лойиҳаларини ишлаб чиқиш ва норма ижодкорлиги соҳасида амалга оширилган ишлар:

- 4 та Қонун лойиҳаси ишлаб чиқилди;

- 1 та Президент Фармони лойиҳаси ишлаб чиқилди.

- 2 та Президент Қарори лойиҳаси ишлаб чиқилди.

- project.gov.uz порталидан келиб тушган 64 та норматив-ҳуқуқий ҳужжатларнинг лойиҳалари ўрганилиб, таклифлар киритилди;

Хусусан, қуйидаги қонун хужжатлари лойиҳалари тайерланиб, (regulation.gov.uz портали орқали) жамоатчилик муҳокамасига тақдим этилди:

• “Ўзбекистон Республикаси коррупцияга қарши курашиш агентлиги тўғрисида”ги қонун лойиҳаси;
• “Норматив-ҳуқуқий ҳужжатлар ва улар лойиҳаларининг коррупцияга қарши экспертизаси тўғрисида”ги қонун лойиҳаси;
• “Коррупцияга қарши курашиш тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақидаги қонун лойиҳаси
•  “Ўзбекистон Республикаси Коррупцияга қарши курашиш агентлигининг ҳуқуқни муҳофаза қилувчи органлар билан ҳамкорлик қилиш тартиби тўғрисидаги низомни тасдиқлаш ҳақида”ги Президент қарори лойиҳаси;
•  “Ўзбекистон Республикаси Коррупцияга қарши курашиш Миллий кенгаши тўғрисидаги низомни тасдиқлаш ҳақида”ги Президент қарори лойиҳаси;

Бундан ташкари:

• “Давлат хизматчиларининг даромадлари, мол-мулкини декларация қилиш ва манфаатлар тўқнашуви тўғрисида”ги қонун лойиҳаси;

“Коррупцияга қарши курашиш тўғрисида”ги Ўзбекистон Республикаси Қонунига ўзгартиш ва қўшимчалар киритиш ҳақидаги қонун лойиҳаси ишлаб чиқилди.

•   Президент Фармони лойиҳаси.

Ўзбекистан Республикаси Президентининг “Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида”ги, “Коррупцияга карши курашиш соҳасида фаолият самарадорлигини ошириш бўйича қўшимча
чора-тадбирлар тўғрисида”ги қарорлари ҳамда Ўзбекистон Республикаси Вазирлар Махкамасининг “Давлат органлари ва ҳудудларда коррупция даражасини рейтинг баҳолаш методикасини тасдиқлаш тўғрисида”ги қарори лойиҳалари ишлаб чиқилиб, таклиф ва мулоҳазалар олиш учун манфаатдор вазирлик ва идораларга юборилди.

Шунингдек, Ўзбекистон Республикаси Президентининг 2020 йил 29 июндаги “Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида”ги ПФ–6013-сон Фармонига асосан ҳар йили эълон қилиниши лозим бўлган Ўзбекистон Республикасида коррупцияга қарши курашиш тўғрисида Миллий маъруза лойиҳаси вазирлик ва идоралар томонидан тақдим этилган маълумотлар асосида умумлаштирилган ҳолда такомилига етказилмоқда.

Бундан ташқари, хорижий тажриба, миллий қонунчилик ҳамда таҳлиллар асосида 2021-2025 йилларга мўлжалланган Коррупцияга қарши курашиш миллий стратегиянинг дастлабки лойиҳаси тайёрланди.

Лойиҳани янада такомиллаштириш мақсадида давлат ташкилотлари, фуқаролик жамияти институтлари, академик доира вакиллари, хорижий ҳамда халқаро экспертлар иштирокида Миллий маслаҳатлашувлар ташкил этилди.

(28 январь куни Олий Мажлис палаталари, Судьялар олий кенгаши, Бош прокуратура, вазирлик ва бошқа давлат ташкилотлари иштирокида, 18 март куни фуқаролик жамияти институти вакиллари иштирокида, 26 март куни илмий ва академик доиралар иштирокида, 2 апрель куни халқаро ҳамжамият вакиллари иштирокида муҳокамадан ўтказилди).

Муҳокамаларда 400 га яқин фаоллар, экспертлар иштирок этиб, улар томонидан 150 дан ортиқ таклифлар билдирилди. Ҳар бир иштирокчи томонидан билдирилган таклифлар асосида стратегия лойиҳаси янада такомиллаштирилди.

 

2. «Коррупциясиз соҳа» лойиҳаларини тайёрлаш ва амалга ошириш юзасидан

-  Давлат харидлари ва Соғлиқни сақлаш соҳаларида “Коррупциясиз соҳа” лойиҳаси ни амалга ошириш бўйича тасдиқланган “Йўл харита”лари асосида қуйидагилар амалга оширилди:

2.1. Давлат харидлари соҳасида

-давлат харидлари соҳасидаги қонун ижодкорлиги йўналишида 10 дан ортиқ янги норматив-ҳуқуқий ҳужжатларни ишлаб чиқиш бўйича ўрганиш ва тадқиқотлар олиб борилди.

Хусусан, Молия вазирлиги ва бошқа идоралар билан биргаликда янги таҳрирдаги “Давлат харидлари тўғрисида”ги қонун лойиҳаси ишлаб чиқилди. Молия вазирлигининг Ўқув марказида давлат бошқарув органлари ва уларнинг тизимидаги ходимлар ҳамда хўжалик жамиятлари ва стратегик аҳамиятга эга корхоналар ҳамда бошқа ташкилотлар ходимлари учун малака ошириш курслари ташкил қилинди.  Ҳозирги кунга қадар 1021 нафар ходим малака ошириш курсларига жалб этилди.

2.2. Соғлиқни сақлаш соҳасида

• Агентлик ҳамда Соғлиқни сақлаш вазирлиги билан ҳамкорликда ҳар бир тиббиёт муассасаси кириш жойларида коррупциянинг олдини олишга қаратилган эслатма ва тарғибот материаллари тайёрланиб, тизимдаги барча тиббиёт муассасаларидаги аҳолининг танишиб чиқиши қулай бўлган кириш жойларига жойлаштирилди.
• Соғлиқни сақлаш соҳасида коррупция ҳолатлари бўйича фуқаролар томонидан мурожаат қилиш имконини берувчи “1203” қисқа рақами ишга туширилди.
• Агентлик томонидан Соғлиқни сақлаш вазирлиги билан ҳамкорликда Андижон, Бухоро, Самарқанд вилоятлари соғлиқни сақлаш бошқармалари тизимидаги даволаш-профилактика муассасаларида “Коррупциясиз соҳа” лойиҳаси бўйича амалга оширилган  ишлар юзасидан ўрганишлар ўтказилди.

2.3. Шу билан бирга, бугунги кунда тижорат банкларида «Коррупциясиз соҳа» лойиҳасини жорий этиш бўйича таклифлар ишлаб чиқилмоқда;

Шунингдек,  Наманган вилояти Давлатобод туманида «Коррупциясиз ҳудуд» лойиҳасини амалга ошириш бўйича чора-тадбирлар режаси ва таклифлар ишлаб чиқилмоқда.

 

3. Яширин иқтисодиёт ҳамда коррупцияга қарши «комплаенс- назорат» тизимини жорий этиш борасида

Ўзбекистон Республикаси Президенти ҳузурида 2020 йил 27 июль куни яширин иқтисодиётни қисқартириш ва коррупциянинг олдини олиш масалаларида ўтказилган йиғилишда 2020-2021 йилларда давлат ва хўжалик бошқаруви органларида коррупцияга қарши ички назорат тизими («комплаенс-назорат»)ни босқичма-босқич жорий этиш вазифаси юклатилган.

Агентлик томонидан Ҳисоб палатаси билан биргаликда яширин иқтисодиётни қисқартириш ҳамда коррупцияга қарши «комплаенс-назорат» тизимини жорий этиш юзасидан коррупция хавфи юқори бўлган 26 та вазирлик ва идораларда «йўл хариталари» ишлаб чиқилиб, 2020 йил сентябрь ойида Ўзбекистон Республикаси Президенти Администрацияси томонидан тасдиқланди ва унинг ижроси доимий назорат қилиб келинмоқда.

Режа-жадвалга асосан, Ишчи гуруҳ томонидан Қурилиш, Олий ва ўрта махсус таълим, Молия, Транспорт, Халқ таълими, Ахборот технологиялари ва коммуникацияларини ривожлантириш, Уй-жой коммунал хизмат кўрсатиш вазирликлари ҳамда Ўзбекистон Республикаси Марказий банкида яширин иқтисодиётни қисқартириш ҳамда коррупцияга қарши «комплаенс-назорат» тизимини жорий этиш бўйича белгиланган вазифалар ижроси жойига чиқиб ўрганилди.

Бугунги кунда, 5 та вазирлик ва идораларда коррупцияга қарши ички назорат тизими («комплаенс-назорат»)ни жорий этиш борасидаги ишлар якунланиб, “Коррупцияга қарши курашиш менежмент тизими” бўйича ISO 37001:2016 халқаро стандарт сертификатини қўлга киритган.

Ҳозирда Ўзбекистон Республикаси Президентининг 2020 йил
30 октябрдаги ПФ-6098-сон Фармонида белгиланган вазифалар ижросини таъминлаш мақсадида 2021-2022 йиллар давомида ташкилий тузилмасида коррупцияга қарши мувофиқлик ва яширин иқтисодиётни қисқартириш тизимларини жорий қилиш зарур бўлган 56 та (2021 йилда 32 та, 2022 йилда 24 та) вазирликлар, вилоят ҳокимликлари, идоралар ҳамда давлат улушига эга корхона ва тижорат банклари рўйхати тасдиқланди.

 

4. Давлат бюджетидан мақсадли фойдаланиш, шу жумладан давлат харидлари соҳасида ўтказилган ўрганишлар юзасидан

Давлат харидлари ва бошқа соҳаларда ўтказилган ўрганишлар (Қашқадарё, Самарқанд, Андижон, Жиззах, Навоий ва Хоразм вилоятлари, шунингдек, ҳуқуқ тартибот идоралари, Уй-жой коммунал хўжалиги, сув хўжалиги, қурилиш ва энергетика соҳаларида) натижалари бўйича жами 90,5 млрд. сўмлик 2.808 та ҳолатларда молиявий хато ва камчиликларга йўл қўйилганлиги аниқланган.

4.1. 2020 йил октябрь ойида Самарқанд вилоят Соғлиқни сақлаш бошқармаси ва унинг қуйи тизимларида бюджет маблағлари, давлат активларини реализация қилиш ва давлат харидлари соҳасида қонун ҳужжатларига риоя этилиши ҳолати бўйича ўрганиш ўтказилди.

Ўрганишда, вилоят соғлиқни сақлаш муассасалари томонидан
9,256 млрд. сўмлик дори воситаларига муқобил тижорат таклифлари мавжуд бўлгани ҳолда, 14,902 млрд. сўмга, яъни 5,643 млрд. сўм қиммат нархларда харид қилингани, 4,999 млрд. сўмлик тендер ва 186,1 млн. сўмлик электрон дўкон шаклидаги харидлар қонун талабларига зид равишда ташкил қилингани аниқланди.

4.2. 2020 йил ноябрь ойида Қашқадарё вилоятида ўтказилган ўрганишларда 2.746 та ҳолатда 31,2 млрд. сўмлик молиявий хато-камчиликларга йўл қўйилганлиги аниқланди.

Шунингдек, вилоятда соғлиқни сақлаш вазирлигининг «Саломатлик-3» дастури лойиҳаси доирасида сотиб олинган ускуналардан 706,1 минг АҚШ долларлик қисми тўлиқ ўрнатилмагани ва 706,2 минг АҚШ долларлик  қисми амалда фойдаланилмаётгани аниқланган.

Ўрганиш якунлари бўйича ЖКнинг 167-моддаси билан жиноят иши қўзғатиш масаласини кўриб чиқиш ҳақида Бош прокуратурага сўровнома юборилди.

4.3. 2021 йил  Жиззах вилоятида вилоят ҳокимлиги «Ягона буюртмачи хизмати» ИК буюртмачилигидаги қиймати 238,1 млрд. сўмлик 19 та қурилиш объектлари бўйича амалга оширилган давлат харидлари ўрганилди.

Ўрганишда 19 та қурилиш объектлари бўйича умумий 6,9 млрд. сўмлик молиявий хато ва камчиликларга йўл қўйилиб, шундан 6,03 млрд. сўмлик қурилиш ишлари тўлов ҳужжатларига асоссиз қўшиб ёзилганлиги ва 941,1 млн. сўмлик ишлар сифатсиз бажарилганлиги аниқланган.

4.4. 2021 йил январь-февраль ойларида  Андижон вилоятида вилоят ҳокимлиги «Ягона буюртмачи хизмати» ИК, «Қишлоқ қурилиш инвест» МЧЖ ИК Андижон вилоят филиали, Андижон вилояти қурилиш бош бошқармаси мансабдор шахсларига қарашли қурилиш корхоналари ғолиб бўлган давлат харидлари ўрганилди.

Ўрганиш натижаси бўйича, жами 4 та қурилиш объектларида 57,9 млн. сўмлик ишлар сифатсиз бажарилгани ва 1,4 млрд. сўмлик аслида бажарилмаган ишлар ҳисобот ҳужжатларига қўшиб ёзилганлиги аниқланган.

4.5. 2021 йил январь-февраль ойларида  Навоий вилоятида вилоят ҳокимлиги «Ягона буюртмачи хизмати» ИК буюртмачилигидаги қиймати 59,9 млрд. сўмлик 21 та қурилиш объектлари бўйича амалга оширилган давлат харидлари ўрганилди.

Ўрганишда 21 та қурилиш объектлари бўйича умумий 190,9 млн. сўмлик молиявий хато ва камчиликларга йўл қўйилиб, шундан 119,0 млн. сўмлик қурилиш ишлари тўлов ҳужжатларига асоссиз қўшиб ёзилганлиги ва 71,9 млн. сўмлик ишлар сифатсиз бажарилганлиги аниқланган.

4.6. 2021 йил январь ойида   Хоразм вилоятида вилоят ҳокимлиги «Ягона буюртмачи хизмати» ИК буюртмачилигидаги қиймати 20,4 млрд. сўмлик «Урганч шаҳридаги перинатал марказини реконструкция қилиш» объекти қурилиши бўйича амалга оширилган давлат харидлари ўрганилди.

Ўрганиш жараёнида тендер ғолиби «Bunyodkor» МЧЖнинг таъсисчиси У.Қ Хоразм вилояти ҳокимияти мансабдори, тендер комиссияси раиси Б.Қнинг якин қариндоши яъни, туғишган укаси эканлиги маълум бўлган.

Бундан ташқари, вилоятда янгидан курилаётган, реконструкция килинаётган ва мукаммал таъмирланаётган ижтимоий соҳа ҳамда бошқа соҳа объектларини фойдаланишга кабул қилиш бўйича давлат қомиссияси раиси сифатида Б.Қ. белгиланган.

Вилоят ҳокимлиги «Ягона буюртмачи хизмати» ИК томонидан ўтказиладиган танлов (тендер) жараёнларини ўтказиш тартибини қайта кўриб чиқиш ва ушбу ҳолатга йўл қўйган мансабдор шахсларга чора кўриш бўйича тақдимнома Хоразм вилояти хокимлигига киритилган.

4.7. Сув хўжалиги вазирлиги ва унинг қуйи тизимларида ўтказилган ўрганишда Норин-Қорадарё ирригация тизимидаги Олтинкўл ирригация бўлими ходими томонидан бюджет ҳисобидан ажратилган 200 млн. сўмлик иш ҳақларини ўзлаштириш ва растрата қилиш йўли билан талон-торож қилганлиги аниқланган.

Бундан ташқари, Янгиқўрғон туманидаги «Навкентбулоқ» ва  «Шарқ юлдузи» СИУ ҳудудидаги ёпиқ дренаж тармоқларини қуришда пудратчи «Норин сув қурилиш» МЧЖ томонидан тўловга асос бўлган ҳисобот ҳужжатларига 563,5 млн. сўмлик ишлар қўшиб ёзилганлиги аниқланиб, тўпланган ҳужжатлар қонуний баҳо беришлик учун Наманган вилоят прокуратурасига юборилган.

 

Юқоридаги ўрганишлар натижалари бўйича вазирлик, ҳуқуқни муҳофаза қилувчи орган, идора ва ташкилотларга 13 та тақдимнома киритилиб, 25 та сўровнома ва 3 та огоҳлантирувлар юборилди.

Юборилган сўровномалар бўйича прокуратура органлари томонидан Жиноят кодексининг 167, 205, 209 ва бошқа моддалари билан умумий 14 та жиноят иши қўзғатилган.

4.8. Шунингдек, Ўзбекистон Республикаси Президентининг 2021 йил 12 февраль куни ИИВ ҳайъатининг кенгайтирилган йиғилишида Агентликка ҳуқуқ-тартибот идоралари ва уларнинг қуйи тизимларида коррупцион ҳуқуқбузарлик­ларни келтириб чиқараётган омилларни аниқлаш ва коррупцияга қарши курашиш тўғрисидаги қонун ҳужжатларига риоя этилиши ҳолати бўйича ўрганиш вазифаси юклатилган.

Шунга кўра, Агентлик томонидан 2021 йилнинг февраль-март ойлари давомида ҳудудий ҳуқуқ тартибот идоралари (шу жумладан, Ички ишлар вазирлигининг қуйи тизимларида) коррупцион ҳуқуқбузарликларни келтириб чиқараётган омилларни аниқлаш ва коррупцияга қарши курашиш тўғрисидаги қонун ҳужжатларига риоя этилиши ҳолати юзасидан ўрганишлар ўтказилди.

Ўрганиш якунлари бўйича соҳаларда йўл қўйилаётган камчиликлар, коррупцияни келтириб чиқарувчи омиллар ва уларни бартараф қилиш бўйича асослантирилган таклифлар ишлаб чиқилиб, Ўзбекистон Республикаси Президенти Администрацияси ва Коррупцияга қарши курашиш миллий кенгашига киритилди.

 

5. Жисмоний ва юридик шахсларнинг мурожаатларни кўриб чиқиш натижалари юзасидан

Ҳисобот даврида юридик ва жисмоний шахслардан 2380 та   мурожаат келиб тушган;

- 909 таси бевосита Агентлик ходимлари томонидан кўриб чиқилган;

- 1471 таси тааллуқли­лиги бўйича юборилган;

- 52 таси аноним деб топилган;

- 156 таси бўйича мурожаатда кўрсатилган важлар ўз тасдиғини топиб, ижобий ҳал этилган.

 

6. Агентлик томонидан ўтказилган ўрганиш ва таҳлил натижалари бўйича вазирлик ва идораларга 51 та тақдимнома киритилиб, 170 та сўровнома ва 7 та огоҳлантирувлар юборилган.

Улардан:

 Жисмоний ва юридик шахсларнинг мурожаатлари бўйича:

40 та – тақдимнома;  84 та - сўровнома; 6 та - огоҳлантирув;

ОАВларда эълон қилинган мақолалар ва агентлик ташаббуси билан ўтказилган ўрганишлар бўйича:

5 та – тақдимнома;  20 - та сўровнома;

 Ўрганиш натижалари бўйича:

6 та – тақдимнома; 66 та - сўровнома; 1 та - огоҳлантирув;

Агентликнинг сўровномалари бўйича прокуратура органлари томонидан жами 21 та (2020 й. 4 та, 2021 й. 17 та) жиноят ишлари қўзғатилган.

 

7. Жамоатчилик билан алоқалар юзасидан

Ўтган давр мобайнида Агентлик томонидан жамоатчилик билан алоқалар йўналишида қатор ишлар амалга оширилди. Хусусан, Агентлик раҳбарияти ва масъул ходимлар иштирокида 6 маротаба матбуот анжуманлари ташкил этилди.

Агентлик ҳузурида “Журналист ва блогерлар” клуби иш бошлади. 2020 йилнинг 22 декабрь куни клубнинг илк йиғилиши бўлиб ўтди. Унда клуб аъзолари билан ўзаро ҳамкорлик йўналишлари, истиқболдаги режалар юзасидан келишиб олинди.

7.1. Оммавий ахборот воситаларида чиқишлар

Телеканалларда:

- 321 маротаба агентлик фаолиятига оид лавҳалар марказий ва хусусий телеканалларда ёритилди;

- Агентлик ходимлари томонидан 100 га яқин интервью ва чиқишлар қилинди.

Веб-сайтларда:

-500 маротаба чиқишлар ташкил этилди.

Аудиторияси юқори бўлган интернет сайтлардан kun.uz - 40 маротаба, daryo.uz - 22 маротаба, qalampir.uz - 12 маротаба, uza.uz - 22 маротаба, www.xs.uz – 14 маротаба хабар ва янгиликлар эълон қилинди.

Бундан ташқари zamin.uz, uznews.uz, auz.uz, uzbekembassy.com, mift.uz, hordiq.uz, bbc.com, biznesvakil.uz, fviib.uz, gazeta.uz, dunyo.info yuz.uz каби сайтларда ҳам Агентлик фаолиятига оид хабарлар эълон қилинган.

Телеграм каналларда ва блогерлик саҳифаларида:

- 356 маротаба чиқишлар амалга оширилган.

- 122 маротаба агентлик фаолиятига оид хабарлар репост қилинган, 367 маротаба эсловлар амалга оширилган.

Радиода:

- Марказий радиоларда 122 маротаба ёритилди.

- 50 га яқин интервьюлари эфирга узатилди.

Босма нашрларда:

- 65 марта материаллар эълон қилинди.

Улар қаторида:

А.Бурханов. "Коррупцияга қарши курашиш умуммиллий бирдамликни талаб этади"  номли мақоласи "Янги Ўзбекистон" газетаси 2021 йил 25 март куни

У.Тухташева. “Давлат харидларидаги коррупцияга қандай омиллар сабаб бўлмоқда?” номли мақоласи Бизнес даилй Биржа газетаси 2021 йил 2 февраль

С.Маманов. “Коррупционерларни бирга фош этамиз!” номли мақоласи “Даракчи” газетасида 2021 йил 18 январь

М.Хўжаев. “Коррупцияга қарши курашда жамоатчилик назорати” номли мақоласи Постда газетаси, 2021 йил 18 февраль

 “Народное слово” газетасида “Коррупция: опыт успешной борьбы” номли мақоласи, 2021 йил 27 февраль.

7.2. Агентликнинг ўз веб-сайти ва ижтимоий тармоқларидаги чиқишлари

Агентлик расмий anticorruption.uz веб-сайтида ўтган вақт давомида 135 та хабар ва янгиликлар эълон қилинди.

Телеграм ижтимоий тармоғидаги саҳифасида 198 та, фейсбукдаги расмий саҳифасида 106 та, Twitter 31 та материал жойлаштирилган. Ютубдаги каналга 22 та материал жойлаштирилган.

Агентлик томонидан ҳафта давомида амалга оширилган  фоаолиятни кенг аҳолига етказиш мақсадида “Ҳафталик дайджест” тайёрлаш амалиёти йўлга қўйилди ҳамда агентлик веб-сайтида дайджестлар учун алоҳида рукн ташкил этилди.

Веб-сайтда ойлик ҳисоботлар учун ҳам махсус рукн ташкил этилди.

7.3. Оммавий ахборот воситалари билан боғлиқ тадбирлар

Ўтган давр мобайнида агентлик томонидан 6 маротаба матбуот анжуманлари ташкил этилди. Унда мамлакат ижтимоий-сиёсий ҳаётидаги муҳим масалалаларга тўхталиб ўтилди.

Бундан ташқари, Агентликнинг ҳар ойлик фаолияти сарҳисоби расмий веб-сайтда эълон қилиб борилмоқда.

Шунингдек, доимий равишда Агентликнинг ҳафталик фаолиятига бағишланган ҳафталик дайджестлар тайёрлаш амалиёти ҳам йўлга қўйилди ҳамда расмий веб-сайтда бунинг учун алоҳида рукн ташкил этилди.

Ўтган вақт давомида халқаро ва маҳаллий ҳамкорлар кўмагида коррупцияга қарши курашишни тарғиб қилувчи тарқатма материаллари, анимацион видеороликлар, ижтимоий реклама баннерлари тайёрланди ва эълон қилинди.

Хусусан, вилоят ва шаҳар марказларида, аҳоли гавжум масканларда жойлаштирилган электрон мониторлар орқали коррупцияга қарши муросасиз курашишга чорловчи ташвиқотлар олиб борилди.

Ушбу йўналишдаги яна бир муҳим қадам Агентлик ҳузурида Жамоатчилик кенгашининг ташкил этилиши ҳисобланади. Бугунги кунда Кенгаш ўз фаолиятини тўлиқ амалга оширмоқда, унга жамоат ташкилотлари, ОАВ вакиллари ва бошқа турли соҳа вакилларидан иборат 40 нафарга яқин аъзолар очиқ танлов асосида қабул қилинган.

 

8.Антикоррупция ҳафталиги

2020 йилнинг 24 ноябрь — 9 декабрь кунлари давомида Ўзбекистонда илк бор кенг кўламдаги Антикоррупция ҳафталиги ўтказилди. Ҳафталик доирасида 20 дан ортиқ турли форматлардаги йирик тадбирлар, халқаро ва илмий доиралар билан учрашув ва анжуманлар ташкил этилди.

Антикоррупция ҳафталиги вазирлик ва идоралар томонидан ҳам қўллаб-қувватланиб, ОАВ ва кенг жамоатчиликни ўз фаолиятлари ҳақида хабардор қилиш мақсадида очиқ эшиклар кунлари ташкил этилди.

Аҳолининг ҳуқуқий онги ва ҳуқуқий маданиятини юксалтириш, жамиятда коррупцияга нисбатан муросасиз муносабатни шакллантириш мақсадида қатор халқаро ташкилотлар билан ҳамкорликда “Коррупцияни биргаликда енгамиз!” танлови ҳам ўтказилди.

 

9.Халқаро ҳамкорлик йўналиши юзасидан

9.1. Агентлик томонидан бир қатор халқаро ташкилотлар билан ҳамкорлик алоқалари йўлга қўйилди.

Бугунги кунда БМТнинг Ўзбекистондаги ваколатхонаси, БМТнинг Тараққиёт дастурининг Ўзбекистондаги ваколатхонаси (БМТ ТД), БМТнинг Гиёҳванд моддалар ва жиноятчилик бўйича бошқармасининг Марказий Осиёдаги минтақавий ваколатхонаси (БМТ ГЖБ), БМТнинг Болалар жамғармаси (ЮНИСЕФ), Европада хавфсизлик ва ҳамкорлик ташкилотининг (ЕХҲТ) Ўзбекистондаги лойиҳалар координатори идораси, Иқтисодий ҳамкорлик ва тараққиёт ташкилоти, Европа иттифоқи делегацияси ваколатхонаси, Европа кенгаши ҳамда АҚШ Давлат департаментининг наркотиклар ва ҳуқуқни қўллаш устидан назорат қилиш Бюроси (INL), АҚШ Халқаро тараққиёт агентлигининг Ўзбекистондаги ваколатхонаси (USAID), Жаҳон банкининг Ўзбекистондаги офиси, Халқаро валюта жамғармасининг Ўзбекистондаги ваколатхонаси, Европанинг фирибгарликка қарши идорасининг Ўзбекистондаги ваколатхонаси (OLAF), Европа тикланиш ва тараққиёт банкининг Ўзбекистондаги ваколатхонаси, Германиянинг Конрад Аденауэр номидаги жамғарманинг Марказий Осиёдаги ваколатхонаси ва Словениянинг “Минтақавий мулоқот” халқаро нодавлат ташкилоти билан ҳамкорлик алоқалари йўлга қўйилди.

9.2. Халқаро ташкилотлар билан имзоланган ҳамкорлик меморандумлари ва бошқа халқаро ҳужжатлар

2020 йилнинг 7 декабрь куни Германиянинг Конрад Аденауэр номидаги жамғарманинг Марказий Осиёдаги ваколатхонаси билан ҳамкорлик меморандуми имзоланди.

2021 йилда БМТ ГЖБ, Конрад Аденауэр жамғармаси ўртасида Тадбирлар режаси имзоланди.

Ҳозирда Қозоғистон, Хитой Халқ Республикаси, Украина ва Малайзиянинг коррупцияга қарши курашиш идоралари билан икки томонлама ҳамкорлик меморандумлари, Агентлик ва БМТ ТД, БМТ ГЖБ ўртасида коррупцияга қарши курашиш соҳасидаги ислоҳотларни қўллаб-қувватлаш юзасидан ҳамкорлик лойиҳалари ишлаб чиқилмоқда.

Шунингдек, ЕХҲТ ўртасида Агентлик салоҳиятини кучайтириш соҳасида 2021-2022 йилларда ҳамкорликда амалга ошириладиган тадбирлар режаси келишилмоқда.

9.3. Халқаро ҳамкорлар билан қўшма тадбирлар

Ўтган вақт давомида Сингапур, Малайзия, Қозоғистон, Корея Республикаси, Франция, Украина, Хитой (шу жумладан Гонконг), Финляндия давлатларининг коррупцияга қарши курашиш идоралари раҳбарлари ва вакиллари билан учрашувлар ўтказилди. Шунингдек, мутахассислар ўртасида ўзаро тажриба алмашиш мақсадида қатор онлайн семинарлар ҳам ташкиллаштирилди.

Агентлик томонидан АҚШ, Хитой, Швеция, Финляндия, Швейцария давлатларининг Ўзбекистондаги Фавқулодда ва Мухтор элчилари, Япониянинг Ўзбекистондаги Муваққат ишлар вакили билан икки томонлама учрашувлар ўтказилиб, ўзаро ҳамкорлик масалалари муҳокама қилинди.

Бугунги кунга қадар Агентлик ва бошқа миллий ва хорижий ҳамкорлар билан бирга коррупцияга қарши курашиш соҳаси билан боғлиқ 31 та онлайн/офлайн форматлардаги тадбирлар (Агентлик салоҳиятини кучайтириш, ходимлар малакасини ошириш, илғор хорижий тажрибани ўрганиш каби мавзуларда семинар ва тренинглар) ташкил этилди ҳамда бошқа идоралар ва ташкилотлар томонидан мазкур соҳада ташкил этилган 9 та тадбирларда Агентлик вакиллари иштирок этдилар.

Агентлик раҳбарияти қуйидаги нуфузли халқаро тадбирларда Ўзбекистонда коррупцияга қарши курашиш соҳасидаги амалга оширилган ислоҳотларга бағишланган маърузалар билан иштирок этди:

• 2020 йил 1 декабрь — Transparency International халқаро нодавлат ташкилоти ҳамда Корея Республикасининг Коррупцияга қарши курашиш ва инсон ҳуқуқлари комиссияси билан ҳамкорликда ўтказилган 19-Халқаро Аксилкоррупция Форуми;
• 2020 йил 8 декабрь — “Бир макор, бир йўл” ташаббуси доирасида Хитой Миллий Назорат Комиссияси томонидан ташкил этилган “COVID-19 пандемиясига қарши курашиш ва иқтисодий қайта тикланишни ҳимоя қилиш учун халқаро ҳамкорликни кучайтириш” мавзусидаги онлайн семинар;
• 2021 йилнинг 25 март — ИҲТТ томонидан ташкил этилган БМТ ТДнинг “Коррупция ва ҳалолликнинг COVID-19 дан кейинги жавоб ва тикланишга таъсири” сессиясида Transparency International бошқарув раиси Д.Рубио иштирокидаги мулоқот:
• 2021 йилнинг 16 март — 80дан зиёд вазирлик ва идоралар ҳамда маҳаллий ҳокимликлар ходимларининг салоҳиятини ошириш мақсадида Агентлик ва Буюк Британиянинг Ҳукуматлараро ҳамкорлик хизмати томонидан Буюк Британиянинг давлат хизмати ва Буюк Британия ҳукуматининг давлат хизматидаги бенуқсонлик, ҳалолликни таъминлаш амалиётига бағишланган семинар.

Шунингдек, Халқаро рейтинг ва индекслар билан ишлаш бўйича республика кенгашининг йиғилишларида Агентлик раҳбарияти ҳамда рейтинглар бўйича қатор тадбирларда Агентлик вакиллари иштирок этиб келмоқда. Тадбирлар давомида Transparency International халқаро нодавлат ташкилотининг коррупцияни қабул қилиш индекси ва бошқа тегишли индексларда мамлакатимиз ўрнини яхшилаш борасида вазифалар белгиланмоқда.

9.4. Жалб қилинган халқаро экспертлар фаолияти

Агентлик ва Бош прокуратура ҳамкорлигида “Коррупцияга қарши курашиш агентлиги тўғрисида”ги Ўзбекистон Республикаси Қонуни лойиҳаси ишлаб чиқилди. Унда Европа Кенгаши томонидан Кристина Тарна (Молдова), “Давлат хизматчиларининг мол-мулки ва даромадларини декларация қилиш ва манфаатлар тўқнашуви тўғрисида”ги Ўзбекистон Республикаси Қонун лойиҳаси ишлаб чиқилишида эса Жаҳон банки томонидан Дмитрий Котляр (Украина), Агентликнинг бошқа ҳужжатларини ишлаб чиқиш ва қонунчиликни такомиллаштириш учун Иқтисодий ҳамкорлик ва тараққиёт ташкилоти томонидан Руслан Рябошапка (Украина), шунингдек, Агентлик фаолиятини ташкиллаштиришда БМТ ТД коррупцияга қарши курашиш Глобал Дастури экспертлари Анга Тимилсина, Жунгох Сон, Иракли Котетишвили ва Аида Арутюнова, “Минтақавий мулоқот” ХННТ вакили Горан Клеменчич каби халқаро экспертлар фаол жалб чилинди.

9.5.  Халқаро ҳамкорликка доир бошқа масалалар

Агентлик томонидан БМТнинг Коррупцияга қарши конвенциясини Ўзбекистонда амалга оширилиши доирасида 2-босқич обзорини ўтказиш юзасидан бир қатор ишлар амалга оширилмоқда. Жумладан, Конвенция обзори доирасида баҳолаш назорат рўйхати (саволнома) асосида тегишли вазирлик ва идоралардан керакли маълумотлар қабул қилиниб, уларни умумлаштириш ишлари олиб борилмоқда.

Ўзбекистон Республикаси коррупцияга қарши курашиш миллий кенгашининг жорий йилнинг 29 март куни бўлиб ўтган навбатдаги йиғилишида БМТнинг Коррупцияга қарши конвенцияси бажарилиши ҳолатини обзори доирасида Конвенциянинг II (Коррупциянинг олдини олиш бўйича чоралар) ва V (Активларни қайтариш бўйича чоралар) боблари бўйича Ўзбекистон Республикаси ваколатли давлат органлари раҳбар таркибидаги Агентлик директори А.Бурханов ва Бош прокурор Н.Йўлдошевлар бошчилигидаги иккита ишчи гуруҳ таркиби шакллантирилди ва Ишчи гуруҳлар доирасидаги экспертлар гуруҳининг биринчи учрашуви апрель ойида ўтказилиши белгиланди.

Жорий йилнинг 16-17 июнь кунлари Иқтисодий ҳамкорлик ташкилотига аъзо давлатларнинг коррупцияга қарши курашувчи органлари вакилларининг Тошкентда ўтказиладиган йиғилишига тайёргарлик кўриш жараёнида Ташқи ишлар вазирлиги ҳамда ИҲТ котибияти ўртасида алоқалар ўрнатилиб, тадбирларга тайёргарлик бошланди. Жумладан, бугунги кунда ИҲТнинг барча аъзо давлатларига тадбирни Ўзбекистонда ўтказиш масаласи ва аниқ муддатларини ичига олувчи ИҲТ Котибияти номидан нота юборилди.

Баён этилганлардан ташқари, Ўзбекистонни Иқтисодий ҳамкорлик ва тараққиёт ташкилотининг Истанбул ҳаракатлар режаси доирасидаги 5-раунд мониторингини ўтказиш юзасидан методологик ўрганиш ва ташкилий чоралар амалга оширилмоқда.

Қолаверса, Ўзбекистон Республикаси коррупцияга қарши курашиш миллий кенгаши раиси томонидан 2020 йилда тасдиқланган Коррупцияга қарши курашиш халқаро стандартларини Ўзбекистон Республикаси қонунчилигига имплементация қилишни давом эттириш бўйича «Йўл харитаси»нинг давлат органлари томонидан амалга оширилиши Агентлик томонидан мониторинг қилиниб, юклатилган вазифалар амалга оширилиши юзасидан тегишли ишлар амалга оширилмоқда.