Соҳа ходимлари ва мутахассислари, коррупцияга қарши курашиш йўналишида тадқиқот олиб бораётган ёш олимларнинг таклиф ва тавсиялари инобатга олиниб, соҳага доир кейинги зарурий маълумотлар билан бойитилган ва қайта тўлдирилган Коррупцияга қарши ички назорат (комплаенс) тизимини жорий этиш бўйича қўлланма (тўлдирилган янги нашр) ишлаб чиқилди.

 Янги нашрда, давлат органлари ва ташкилотларида ички назорат тузилмалари томонидан ушбу йўналишда олиб борилаётган ижобий натижалар, давлат бошқаруви соҳасида коррупциявий хавф-хатарларни бартараф этиш механизмлари ҳамда ташкилотлар тизимида коррупцияга қарши курашиш бўйича амалга оширилаётган чора-тадбирларнинг самарадорлигини таҳлил қилиш ва рейтинг баҳолашга оид батафсил маълумотлар амалий мисоллар билан кўрсатилди.

Қўлланма билан батафсил ушбу ҳавола ( https://anticorruption.uz/upload/document/design_izm11.pdf ) орқали танишишингиз мумкин.

Шунингдек, Агентлик томонидан Давлат органлари ва ташкилотларида коррупцияга қарши курашиш бўйича асосий ички идоравий ҳужжатлар намуналари тўплами ҳам нашр этилди. 

Мазкур намунавий ҳужжатлар тўплами коррупцияга қарши курашиш бўйича ички идоравий ҳужжатлар ҳамда уларнинг мазмун-моҳияти, мақсад-вазифаларини ўзида мужассам этган.

Тўплам мамлакатимиздаги барча ташкилотлар, уларнинг ҳудудий ва таркибий бўлинмаларида коррупцияга қарши ички назорат тузилмаларини миллий қонунчилик ва халқаро стандартлар асосида самарали жорий этиш тартибини белгилайди. 

Мазкур намунавий ҳужжатлар тўплами ( https://anticorruption.uz/upload/document/design_compressed.pdf ) ўз йўналишида ўзбек тилида чоп этилган илк методик нашр саналади.

Ушбу нашрлар Конрад Аденауэр жамғармасининг Ўзбекистондаги ваколатхонаси кўмагида  чоп этилди.

Коррупцияга қарши курашиш агентлиги 
Ахборот хизмати