Жорий йилнинг 7 сентябрь куни  Агентлиги раҳбарияти Швейцариянинг Ўзбекистондаги элчихонасининг халқаро эксперти Э.Шлаппи ва миллий эксперти Д.Куроловани қабул қилди.

Учрашувнинг мақсади Ўзбекистонда самарали бошқарув ва соҳаларни номарказлаштириш бўйича ҳамкорлик лойиҳасини ишлаб чиқиш масалаларини муҳокама қилиш бўлди.

Учрашувда Агентлик вакиллари хорижий томонга давлат бошқаруви, хусусан коррупцияга қарши курашиш, унинг олдини олишда жорий этилган механизмлар бўйича маълумот бердилар.

Шу билан бир қаторда, учрашув иштирокчилари Ўзбекистонда ташкил этилиши режалаштирилган Коррупцияга қарши виртуал академияни тузилиши ва ўқув дастурлари ишлаб чиқилиши масаласида Швейцария ҳукумати билан ҳамкорлик қилиш масалаларида фикр алмашдилар.

Коррупцияга қарши курашиш агентлиги

Ахборот хизмати