Роли Астхана,

Бирлашган Миллатлар Ташкилотининг Ўзбекистондаги доимий координатори:

– Ҳар бир инсон – ёш-у қари коррупциянинг олдини олиш ва унга қарши курашиш, жамиятнинг барча бўғинларида ҳалолликни таъминлашда ўзининг ўрнига эга. 

Ҳукуматлар олдидаги вазифа – инсонларнинг коррупцияга қарши гапириши учун майдон яратиш ва йўқ дейишлари учун очиқ сиёсат, тизим яратиш ва бошқа чора-тадбирлар таъминлашдан иборат. Биз Ўзбекистоннинг коррупцияга қарши кураш бўйича ҳаракатларни кучайтиришга қаратилган иродаси мавжудлигини ва бу борадаги аниқ қадамлар қўяётганини кўриб турибмиз.

Бирлашган Миллатлар Ташкилотининг Ўзбекистондаги жамоаси Ўзбекистон ҳукуматининг, Коррупцияга қарши кураш агентлиги ва фуқаролик жамиятининг Ўзбекистон халқи ҳаётини яхшилаш ва бу жараёнда барчани қамраб олиш борасидаги саъй-ҳаракатларини қўллаб-қувватлашни давом эттириш тарафдори.

Коррупцияга қарши курашиш агентлиги

Ахборот хизмати