Жорий йилнинг 6 апрель куни Коррупцияга қарши курашиш агентлиги директори А.Бурханов Европада хавфсизлик ва ҳамкорлик ташкилотининг Ўзбекистондаги лойиҳалари координатори, миссия раҳбари в.б. Ханс-Улрих Имни қабул қилди.

Учрашувда Агентлик ва ЕХҲТ ўртасидаги ҳамкорликнинг истиқболлари, хусусан, “Ўзбекистонда коррупцияга қарши курашишга кўмаклашиш" лойиҳаси доирасида 2023-2024 йилларга мўлжалланган чора-тадбирлар дастурини ишлаб чиқиш ва амалга ошириш масалалари батафсил муҳокама қилинди.

Учрашув якунида А. Бурханов дипломатик фаолиятини якунлаётган Ханс-Улрих Имга биргаликда амалга оширилган яқин ҳамкорлик учун миннатдорчилик билдириб, элчига келгусидаги ишларга зафар ва муваффақиятлар тилади.

Коррупцияга қарши курашиш агентлиги

Ахборот хизмати