Агентлик директори Акмал Бурханов Вашингтон шаҳрида Жаҳон банкининг Глобал бошқарув департаменти Европа ва Марказий Осиё бўйича менежери Даниел Боис ва Бошқарув бўйича катта мутахассис Даниела Фелькман билан учрашиб, қўшма лойиҳаларнинг ҳолати ва ҳамкорликнинг истиқболларини муҳокама қилди.

Хусусан, Жаҳон банкининг Ўзбекистонда давлат органлари фаолиятида коррупциявий хавф-хатарларни баҳолаш методологиясини ишлаб чиқишдаги ва Агентлик фаолиятини институционал баҳолашни ўтказишдаги кўмаги юқори баҳоланди.

Учрашув якунларига кўра, Томонлар:

Манфаатлар тўқнашуви тўғрисидаги ҳамда норматив ҳуқуқий ҳужжатлар ва улар лойиҳаларининг коррупцияга қарши экспертизаси тўғрисидаги қонунларни амалиётга татбиқ этишда экспертлик ёрдамини кўрсатиш;

Ўзбекистонда ўтказилиши режалаштирилган Аксилкоррупция форуми доирасида махсус интерактив сессия ташкил этиш ва бошқа йўналишларда ҳамкорликни давом эттиришга келишиб олишди.

Коррупцияга қарши курашиш агентлиги

Ахборот хизмати