Тошкент туман ўрмон хўжалиги техникуми буюртмачилигида 2023 йил 20 июнь куни ўтказилган 507,8 млн сўмлик давлат харидида Ўзбекистон Республикаси “Давлат харидлари тўғрисида”ги Қонуннинг 10-моддаси (рақобат ва холислик принципи), 14-моддаси (манфаатлар тўқнашуви), 46-моддаси (давлат харидлари жараёнидаги чекловлар) талаблари бузилганлиги ва бошқа қонунбузилиш ҳолатларига йўл қўйилганлиги аниқланди.

Хусусан, ушбу харидда иштирок этган 2 нафар тадбиркорларнинг барча ҳужжатлари харид комиссияси томонидан фойдаланилган компьютернинг IP-манзили орқали электрон платформага юкланган.

Мазкур ҳолатлар бўйича 21 июнь куни харид комиссиясининг баённомасини бекор қилиш тўғрисида буюртмачига тақдимнома киритилди ва қонуний чора кўриш учун тўпланган ҳужжатлар Бош прокуратура ҳузуридаги Иқтисодий жиноятларга қарши курашиш департаментига юборилди.

Шунингдек, ҳолат бўйича хизмат текшируви ўтказиш учун Ўзбекистон Республикаси Ўрмон хўжалиги агентлигига сўровнома киритилди.

Агентликнинг тақдимномасига биноан Тошкент туман ўрмон хўжалиги техникуми томонидан 3 июль куни харид комиссиясининг баённомаси бекор қилинган.

Коррупцияга қарши курашиш агентлиги

Ахборот хизмати