Европа Кенгаши ташаббуси билан “Марказий осиёда ҳуқуқ устуворлиги бўйича дастури”нинг “Иқтисодий жиноятларга қарши курашиш ва очиқликни таъминлашга кўмаклашиш” лойиҳаси доирасида жорий йилнинг 11-13 июль кунлари Франциянинг Страсбург шаҳрида “Марказий Осиё давлатларида бизнесни ҳалол олиб бориш ва хусусий секторда комплаенсни жорий этиш юзасидан малака ошириш” мавзусидаги минтақавий семинарда Коррупцияга қарши курашиш агентлиги масъул ходимидан иборат Ўзбекистон делегацияси иштирок этмоқда.

Уч кунлик семинар давомида халқаро экспертлар томонидан иштирокчиларга хусусий секторда коррупциянинг олдини олиш ва коррупция билан боғлиқ ҳолатларни аниқлаш, шунингдек тадбиркорлик фаолиятини амалга оширишда ҳалолликни таъминлаш бўйича халқаро стандартлар ва замонавий илғор тажрибалар ҳақида маълумотлар алмашиш кўзда тутилган.

Коррупцияга қарши курашиш агентлиги

Ахборот хизмати