Жорий йилнинг 25 август куни  Коррупцияга қарши курашиш агентлиги ходимлари учун  “Норматив-ҳуқуқий ҳужжатларнинг ва улар лойиҳаларининг коррупцияга қарши экспертизаси тўғрисида”ги Қонуннинг мазмун-моҳияти ва аҳамиятига бағишланган семинар ўтказилди.

Унда Адлия вазирлигининг масъул ходими томонидан қонун билан тартибга солинаётган масалалар:

· норматив-ҳуқуқий ҳужжатлар ва улар лойиҳаларининг коррупцияга қарши экспертизасининг асосий принциплари;
·     коррупцияга қарши экспертиза ўтказадиган органлар ва уларнинг ваколатлари;
·     норматив-ҳуқуқий ҳужжатлардаги ва уларнинг лойиҳаларидаги коррупцияни келтириб чиқарувчи омиллар;
·     коррупцияга қарши экспертизани ўтказиш тартиби;
·     ушбу қонунни бузганлик учун жавобгарлик ҳамда белгиланган талабларга риоя этилиши устидан мониторинг юзасидан тақдимот қилинди.

Семинар мобайнида   норматив-ҳуқуқий ҳужжатларнинг коррупцияга қарши экспертизасини ўтказишда Коррупцияга қарши курашиш агентлигининг ваколатлари батафсил кўриб чиқилди.

Қонунга кўра, Агентлик давлат органлари ва ташкилотлари томонидан норматив-ҳуқуқий ҳужжатларнинг ва улар лойиҳаларининг коррупцияга қарши экспертизаси ўтказилиши чоғида уларга Адлия вазирлиги билан биргаликда услубий ёрдам кўрсатади. 

Семинарда мазкур масала юзасидан ҳам ўзаро фикр-мулоҳаза алмашилди.

Коррупцияга қарши курашиш агентлиги

Ахборот хизмати