Коррупцияга қарши курашиш агентлигида Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармони ижросини таъминлаш, шунингдек, соғлом турмуш тарзини тарғиб қилиш ва жамоавий руҳни кучайтириш мақсадида ходимлар ўртасидатурли спорт мусобақалар ўтказиш яхши анъанага айланган.  

Чунки спорт – бирдамлик, дўстлик, ўзаро қўллаб-қувватлаш, ўзига ишонч воситасидир ва айни жиҳатлар жамоанинг ишчанлик кайфияти ҳамда меҳнат самарадорлигини оширишда ниҳоятда муҳим.

Мамлакатимиз мустақиллигининг 32 йиллиги олдидан Агентлик директорининг соврини учун ўтказилган навбатдаги спорт мусобақаси ҳам буни яққол исботлади. 

Мазкур спорт тадбирида Агентлик жамоаси спортнинг  шахмат, шашка, стол тенниси турлари бўйича ўзаро баҳс олиб борди.  

Мусобақа мезонларидан келиб чиқиб ўз иштироки, эришган натижасига кўра ғолиб ва совриндорлар аниқланди.

Коррупцияга қарши курашиш агентлиги
Ахборот хизмати