Черногория коррупцияга қарши агентлиги раҳбари мансабдор шахслар маълумотларини ошкор қилганликда айбланмоқда

Черногориялик адвокат Никола Ангеловски мамлакатнинг Коррупцияга қарши кураш агентлиги раҳбари Елена Перович устидан давлат амалдорларининг шахсий маълумотларини ошкор қилганликда айблаб, Олий давлат прокурорига ариза берди.

Ангеловскининг таъкидлашича, Перович қонунни бузган ва у Сербиянинг Prozone дастурий таъминот компаниясига минглаб давлат амалдорларининг шахсий маълумотларига кириш ҳуқуқини берган.

Черногориянинг Шахсий маълумотларни ҳимоя қилиш тўғрисидаги қонунига биноан, қайта ишланган шахсий маълумотлар бошқа давлатга экспорт қилиниши ёки фақат Шахсий маълумотларни ҳимоя қилиш агентлигининг рухсати билан халқаро ташкилот томонидан фойдаланиш учун берилиши мумкин. Чет эл компаниялари ёки ташкилотлари ҳам шахсий маълумотларни ҳимоя қилиш бўйича тегишли чораларни қўллашлари керак.

Черногориянинг барча мансабдор шахслари мунтазам равишда ушбу агентликка ўзларининг мол-мулки, даромадлари, банк қарзлари ва оила аъзоларининг мол-мулки тўғрисида ҳисобот тақдим этишлари шарт. Агентлик томонидан кўриб чиқилганидан сўнг ушбу маълумотлар очиқ эълон қилинади.

Ўтган йилнинг сентябрь ойида Шахсий маълумотларни ҳимоя қилиш агентлиги Коррупцияга қарши кураш агентлиги қонунни бузганини айтиб, Prozone компанияси томонидан маълумотларни кейинги қайта ишлашни тақиқлаган эди.

“Мурожаат бўйича шахсий маълумотларга кириш ҳуқуқи фақат Коррупцияга қарши кураш агентлигига тегишли ва шартномага кўра, Prozone ушбу маълумотларга оид ҳар қандай маълумотни шартнома муддати тугагунга ёки бекор бўлгунга қадар, шунингдек, кейинги ўн йилда ҳам жамоатчиликка ошкор қилмаслиги шарт”, — дейилади Шахсий маълумотларни ҳимоя қилиш агентлиги ҳисоботида.

2022 йилнинг декабрида Перович Сербия компанияси билан биринчи шартномани Адлия вазирлиги таклифи билан Коррупцияга қарши кураш агентлигининг ўша пайтдаги раҳбари Драган Радонжич имзолаганини айтган.

"Кейинчалик биз шартнома иловасини туздик, унга кўра Prozone фақат шахсий маълумотларни ўз ичига олмайдиган тест базасига кириш ҳуқуқига эга", - деди Перович.

Хитойнинг йирик суғурта компанияси раҳбари коррупцияга қарши курашиш доирасида умрбод қамоқ жазосига ҳукм қилинди

BBC томонидан кўрилган суд қарорига кўра, жаноб Ванг жазони ижро этиш муддатини икки йилга кечиктириш шарти билан ўлим жазосига ҳукм қилинган. Ҳукм икки йилдан кейин жазони муддатидан илгари озод қилиш ҳуқуқисиз умрбод қамоқ жазосига алмаштирилади, дейилади қарорда. Апрель ойида расмийлар тазйиқлар ҳали тугамагани ҳақида огоҳлантирган эди.

Хитой шарқидаги Шандун провинциясидаги Жинан суди жаноб Вангни пора сифатида 325 миллион юань (44,6 миллион доллар; 35,7 миллион фунт) олганликда айбдор деб топди.

Фирманинг Коммунистик партия бошлиғи бўлган жаноб Ванг ҳам чет элдаги омонатларда 54,2 миллион юанни ноқонуний яширгани учун бир йиллик қамоқ жазосига ҳукм қилинди.

У Президент Си Тзинпиннинг 60 триллион долларлик (48 триллион фунт стерлинг) иқтисодиётда (эга давлатда) коррупцияга қарши курашда икки йилдан кўпроқ давом этган фаолиятида тузоққа тушган йирик Хитой молия институтининг сўнгги раҳбаридир.

2021 йилда Хитойнинг энг йирик давлат назоратидаги активларни бошқариш компанияларидан бири бўлган Huarong нинг собиқ раиси Лай Сяомин коррупция ва кўп хотинликда айбдор деб топилиб, қатл этилган эди.

Ўша йили Хитой тараққиёт банкининг собиқ раиси Ху Ҳуаибанг 85,5 миллион юань пора олганлик иши бўйича умрбод қамоқ жазосига ҳукм қилинди.

Мамлакатнинг энг нуфузли миллиардер банкирларидан бири ва China Renaissance Holdings компаниясининг бош ижрочи директори Бао Фан жорий йилнинг февраль ойида ғойиб бўлганидан бери “айрим органлар томонидан олиб борилаётган терговда ҳамкорлик қилмоқда”.

Bank of China партия раҳбари Лю Лянжга нисбатан тергов март ойида бошланган эди. Жаноб Лиу "интизом ва қонунни жиддий бузганликда" гумон қилинмоқда, дейди расмийлар.

Апрель ойида расмийлар China Everbright Group давлат активларини бошқариш компаниясининг собиқ раиси Ли Сяопенг устидан тергов олиб борилаётганини эълон қилишди.

Қозоғистон Коррупцияга қарши кураш хизмати коррупционер мансабдор шахсларнинг давлат реэстрини жорий этиш режасини эълон қилди

vlast.kz хабар беришича, Қозоғистон Коррупцияга қарши кураш хизмати коррупционер мансабдор шахсларнинг давлат реестрини жорий этиш режасини эълон қилди.

“Реeстрга коррупцияда айбдор деб топилган шахс ҳақидаги барча маълумотлар киритилади. Бу иш берувчиларга потенциал номзодни поклик ва ҳалоллик бўйича текшириш имконини беради», - дея таъкидладиАнтикоррупция хизмати ва бу қонун билан мустаҳкамланишини қўшимча қилди. Шунингдек, коррупцияга оид ҳуқуқбузарликларни содир этганлик учун юридик шахсларнинг жавобгарлигини кучайтириш таклиф этилмоқда.

Бундан ташқари, парламентда пора бериш ваъдаси ва таклифини жиноий жавобгарликка тортиш масаласи кўриб чиқилмоқда.

“Пора таклифи деганда оғзаки ёки ёзма, шу жумладан электрон шаклда, пора таклифи ҳақидаги аниқ ва тушунарли билдиришнома тушунилади. Пора ваъдаси эса пора бериш вақти, жойи, усули тўғрисида хабардор қилишни ўзи ичига олади”, — деб тушунтирди Коррупцияга қарши курашиш хизмати.

Коррупцияга қарши курашиш агентлиги

Ахборот хизмати