Коррупцияга қарши курашиш агентлиги томонидан ишлаб чиқилган Ўзбекистон Республикаси Президентининг “Давлат органлари ва ташкилотларининг фаолияти очиқлигини таъминлаш, шунингдек, жамоатчилик назоратини самарали амалга оширишга доир қўшимча чора-тадбирлар тўғрисида”ги Фармонига ўзгартириш ва қўшимчалар киритиш тўғрисида”ги Фармони лойиҳаси жамоатчилик муҳокамасига қўйилди.

Лойиҳада Очиқ маълумотлар сифатида жойлаштирилиши керак бўлган ижтимоий аҳамиятга молик маълумотлар рўйхатини қуйидагилар билан тўлдириш назарда тутилмоқда:

✅Бўш иш ўринлари, ишга қабул қилиш шартлари, номзодларга қўйиладиган талаблар ва тақдим қилиниши лозим бўлган ҳужжатлар тўғрисидаги маълумотлар;

✅Давлат органлари ва ташкилотлари томонидан нодавлат нотижорат ташкилотларига ажратилган грант ва ижтимоий буюртма лойиҳалари, шу жумладан ғолиб бўлган нодавлат нотижорат ташкилотлари ва уларнинг буюртма доирасида бажарган ишлари юзасидан ҳисоботлари;

✅Давлат органлари ва ташкилотлари ходимлари томонидан хорижий хизмат сафарлари, халқаро ва бошқа расмий тадбирлар ҳамда Ўзбекистон Республикаси ҳудудида ўтказилган халқаро ва бошқа расмий тадбирлар муносабати билан қабул қилиб олинган совғалар тўғрисидаги маълумотлар.

Лойиҳа муҳокамаси жорий йилнинг 4 октябрь санасига қадар давом этади.

Коррупцияга қарши курашиш агентлиги

Ахборот хизмати