Агентлик директори A.Бурханов бошчилигидаги Ишчи гуруҳ коррупцияга қарши курашиш борасида амалга оширилаётган ишлар билан танишиш ҳамда бу борадаги чора-тадбирларни белгилаб олишга кўмаклашиш юзасидан Навоий вилоятида ўрганишлар ўтказмоқда.

Ўрганишнинг дастлабки куни давомида:

"Қишлоқ жойларни барқарор ривожлантириш" лойиҳаси бўйича Навбаҳор тумани Буркут маҳалла фуқаролар йиғинида сув таъминоти ва санитария тизими, ирригация ва дренаж тизими учун халқаро молия институтлари томонидан ажратилган маблағларнинг мақсадли сарфланиши, бунда очиқлик ва ошкоралик таъминланиши ҳолатлари ўрганилди.

"Коррупциясиз соҳа" лойиҳаси доирасида Навоий давлат педагогика институти, Республика шошилинч тиббий ёрдам илмий маркази Навоий вилоят филиалида амалга оширилаётган ишлар билан танишилди.

Коррупцияга қарши курашиш агентлиги

Ахборот хизмати