Декабрь ойининг сўнгги 10 кунлиги барча ташкилотлар, аҳолимиз учун якунланаётган йилни сарҳисоб қилиш, келгуси йил учун режалар тузиш вақти бўлса, болажонларимиз учун шоду-хуррамлик палласидир. Шу боисдан барча фарзандларимиз янги йил айёмини мўъжизага ишонган ҳолда интиқлик билан кутишади. 
Коррупцияга қарши курашиш агентлиги вакиллари ҳам уларнинг қувончига шерик бўлиш мақсадида пойтахтимиздаги 30-сонли Меҳрибонлик уйига ташриф буюришди. 

Дастлаб, агентлик вакиллари болажонларни айём билан табриклаган ҳолда, уларни кўпроқ ўқишлари, интилишлари учун барча шароитлар мавжудлиги, улар шунга монанд равишда фаоллик кўрсатиши лозимлигини таъкидлашди. Болажонлар эса ўз сўзларида Президентимизнинг куни кеча ёшларга йўллаган мурожаатидан мотивация олган ҳолда ўз олдиларига келажакда янги мақсадлар қўйишганини билдиришди. 
Жажжи болажонлар эса янги йилга тайёрлаган шеър, куй ва қўшиқларини тақдим этишди ҳамда агентликнинг совғаларига эга бўлишди.