Ўзбекистон Республикаси Коррупцияга курашиш агентлиги томонидан “Telegram” ижтимоий тармоғида Андижон туман ҳокимининг 2019 йил 29 апрель кунги 3251-к-сонли қарори билан Андижон тумани А.Чўлпон массиви 292-қисмли контуридаги суғориладиган ер майдони “Real metan torg” МЧЖга автомобилларга сиқилган газ қуйиш шаҳобчаси қуриш учун ноқонуний ажратиб берилганлиги юзасидан эълон қилинган хабар ўрганилмоқда.

Агентлик томонидан хабарда кўрсатилган ҳолат юзасидан аниқлик киритиш мақсадида Андижон вилоят ҳокимлигига сўров хати юборилган.

Шунингдек, Агентлик томонидан фуқаро М.Черников томонидан Мирзо Улуғбек тумани Уй жой коммунал бўлими бошлиғи Акрамов Ильхом Эгамбердиевич ҳамда “Operating Communal Outsoursing” МЧЖ ва “Yalang`och Communal Outsoursing” МЧЖлар ўртасида манфаатлар тўқнашувига йўл қўйилганлиги юзасидан эълон қилинган facebook ижтимоий тармоғидаги пости ўрганилмоқда.

Постда кўрсатилган ҳолатларга аниқлик киритиш мақсадида Тошкент шаҳар Мирзо Улуғбек туман ҳокимлигига сўров хати юборилган.

Ўрганишлар якуни бўйича қўшимча равишда хабар берилади.