O‘zbekiston Respublikasi Korrupsiyaga kurashish agentligi tomonidan “Telegram” ijtimoiy tarmog‘ida Andijon tuman hokimining 2019-yil 29-aprel kungi 3251-k-sonli qarori bilan Andijon tumani A.Cho‘lpon massivi 292-qismli konturidagi sug‘oriladigan yer maydoni “Real metan torg” MCHJga avtomobillarga siqilgan gaz quyish shahobchasi qurish uchun noqonuniy ajratib berilganligi yuzasidan e’lon qilingan xabar o‘rganilmoqda.

Agentlik tomonidan xabarda ko‘rsatilgan holat yuzasidan aniqlik kiritish maqsadida Andijon viloyat hokimligiga so‘rov xati yuborilgan.

Shuningdek, Agentlik tomonidan fuqaro M.Chernikov tomonidan Mirzo Ulug‘bek tumani Uy joy kommunal bo‘limi boshlig‘i Akramov Ilxom Egamberdiyevich hamda “Operating Communal Outsoursing” MCHJ va “Yalang`och Communal Outsoursing” MCHJlar o‘rtasida manfaatlar to‘qnashuviga yo‘l qo‘yilganligi yuzasidan e’lon qilingan facebook ijtimoiy tarmog‘idagi posti o‘rganilmoqda.

Postda ko‘rsatilgan holatlarga aniqlik kiritish maqsadida Toshkent shahar Mirzo Ulug‘bek tuman hokimligiga so‘rov xati yuborilgan.

O‘rganishlar yakuni bo‘yicha qo‘shimcha ravishda xabar beriladi.