Жорий йилнинг 17 март куни Кадастр агентлигида “Коррупцияга қарши курашиш ва уни олдини олиш борасида олиб борилаётган ишлар ҳамда келажакдаги режалар” мавзусига бағишланган семинар бўлиб ўтди. Тадбир видеоселектор шаклида ташкил этилди ҳамда Кадастр агентлиги тизимидаги барча ҳудудий бошқарма ва туман (шаҳар) раҳбар ҳамда ходимлари иштирок этди.

Йиғилишда Кадастр агентлиги директорининг биринчи ўринбосари Атабек Аллаберганов соҳадаги барчани коррупцияга қарши муросасиз курашишга чақирди.

Коррупцияга қарши курашиши агентлиги масъул ходими Бекзод Раҳмонов видеселекторда иштирок этиб, бугунги кунда республикамизда коррупцияни олдини олиш борасида олиб борилаётган ишлар ва уларнинг натижалари, келажакдаги режалар тўғрисида маълумот берди.

Видеоселектор якунида жамиятимизда коррупцияга қарши курашиш бўйича раҳбар ва ходимлар томонидан таклиф ва мулоҳазалар билдирилди.

Эслатиб ўтамиз, 2020 йилда Коррупцияга қарши курашиш агентлиги ва Кадастр агентлиги ўртасида ҳамкорлик меморандуми тузилганди. Унда кадастр тизими ходимларининг коррупцияга муросасизлик кайфиятини шакллантириш бўйича ҳамкорликда қатор чоралар кўрилиши белгиланган.