Аввал хабар берганимиздек, Коррупцияга қарши курашиш жараёнларига кенг жамоатчиликни жалб этиш, давлат хизматчилари ўртасида ҳалоллик стандартларини жорий этиш мақсадида коррупцияга қарши курашиш агентлиги томонидан ҳудудларда туркум семинарлар ташкил этилмоқда.

Ушбу семинарларнин навбатдагиси жорий йилнинг 27 май куни Андижон, Бухоро, Қашқадарё вилоятларида ташкил этилди.
 

Тадбирларда Ўзбекистон Республикаси Коррупцияга қарши курашиш агентлиги масъул ходимлари маърузалар билан қатнашдилар. 

Семинарлар давомида мамлакатимизда коррупцияга қарши курашиш ва унинг олдини олиш борасида жорий этилаётган янги амалиётлар, жумладан, коррупцияга қарши комплаенс-назорат тизими,  коррупцион ҳафв-хатарларни баҳолаш, давлат хизматчиларини коррупцияга қарши курашишлари  учун уларни тизимли равишда ўқитиш борасида олиб борилаётган ишларга алоҳида тўхталинди. 

Коррупцияга қарши биргаликда кураш олиб бориш энг долзарб вазифалардан бири эканлиги таъкидланди. 
 

Коррупцияга оид ҳуқуқбузарликларни ўз вақтида аниқлаш, уларга чек қўйиш, имконият яратувчи сабаблар, шарт-шароитлар ва оқибатларни бартараф этиш муҳимлиги алоҳида қайд этилди. Коррупцияга қарши мувофиқлик “комплаенс-назорат” тизими ана шундай механизм бўлиб, ушбу тизимни турли вазирлик ва идораларда ҳам жорий этиш бошлангани қайд этилди.

Коррупцияга оид ҳуқуқбузарликлар тўғрисида давлат органларида ахборот бериш механизмлари такомиллаштирилаётгани тўғрисида маълумот берилди.

Семинарлар ўзаро мулоқот ҳамда унинг қатнашчиларининг фаол иштирокида бўлиб ўтмоқда.

Тадбирлар давом этмоқда.