Маълумки, очиқлик ва шаффофлик таъминлаш ва жамоатчилик назоратини кучайтириш институтлари коррупцияга қарши курашиш бўйича давлат сиёсатнинг асосий йўналишлари ҳисобланади.

Шу боис ҳам, 2017 йилдан бошланган ушбу йўналишдаги ислоҳотларнинг узвий давоми сифатида Ўзбекистон Республикаси Президентининг 2021 йил 16 июндаги ПФ-6247-сон фармони қабул қилинди.

Мазкур фармон ижросини таъминлаш, шунингдек, коррупцияга қарши курашиш жараёнларига кенг жамоатчиликни жалб этиш мақсадида Агентлик томонидан ҳудудларда туркум семинарлар ташкил этилмоқда.

Семинарларнинг навбатдагиси жорий йилнинг 6 июль куни Наманган шаҳрида ташкил этилиб, унда Агентлик директорининг ўринбосари Умида Тухташева, вилоят ҳокимининг ўринбосари Шухрат Мусаев ҳамда Агентлик масъул ходимлари иштирок этди.

Семинар давомида иштирокчиларга шаффофликни таъминлаш ва жамоатчилик назоратини кучайтиришнинг аҳамияти, бу борада қабул қилинган Президент фармонининг мазмун-моҳияти ҳамда унинг Наманган вилояти мисолида ижроси ҳақида маълумотлар бериб ўтилди.