Аввал хабар берганимиздек, Агентлик директорининг ўринбосари Умида Тухташева раҳбарлигидаги ишчи гуруҳ Наманган вилоятида давлат органлари фаолиятининг очиқлигини таъминлаш ва жамоатчилик назоратини амалга оширишга доир Президент фармони, ҳудудлардаги соғлиқни сақлаш муассасаларида “Коррупциясиз соҳа” йўл харитасининг ижроси ва бошқа масалалар юзасидан ўрганишлар билан Наманган вилоятида бўлиб турибди.

Мазкур тадбирлар жорий йилнинг 7 июль куни вилоятнинг Чуст тумани, шунингдек, Наманган шаҳрида давом эттирилди.

Куннинг биринчи ярмида ишчи гуруҳнинг Чуст тумани фуқаролари билан учрашуви ташкил этилди. Учрашув давомида вилоят ва туман мутасадди ташкилотлар раҳбарлари иштирокида фуқаролар билан ўтказилиб, улар томонидан кутарилган муаммолар саволларга жавоблар берилди.

Шунингдек, Соғлиқни сақлаш бошқармаси, вилоят марказий шифохонаси ва оилавий поликлиникаларда коррупцияга қарши курашиш бўйича олиб борилган ишлар, шунингдек, соғлиқни сақлаш соҳасида “Коррупциясиз соҳа” лойиҳасини амалга ошириш бўйича “Йўл харита”си ижроси ўрганилди.

Ишчи гуруҳ томонидан вилоятда ўрганишлар давом этмоқда. Тадбирларнинг 3 кунида “Давлатобод” туманида “Коррупциясиз ҳудуд” лойиҳаси юзасидан бажарилган ишлар ўрганиб чиқилиши хамда Косонсой туманида обод махалла ва обод кишлок дастурлари доирасидаги ишлар ўрганилиши режалаштирилган.