Маълумки, давлат органлари ва ташкилотлари фаолиятининг очиқлиги ва шаффофлигини, ахборот олиш эркинлигини таъминлаш орқали жамоатчилик назоратини такомиллаштириш, шунингдек, Ҳаракатлар стратегиясида белгиланган вазифаларни амалга ошириш мақсадида жорий йилнинг 16 июнь куни Ўзбекистон Республикаси Президентининг ПФ-6247-сон фармони қабул қилинган эди.

Жорий йилнинг 9 июль куни Олий Мажлис Сенатининг Ахборот сиёсати ва давлат органларида очиқликни таъминлаш масалалари қўмитасининг биринчи мажлисида айнан мазкур фармон ижроси муҳокама қилинди.

Тадбирда Агентлик директори, Олий Мажлис Сенатининг Ахборот сиёсати ва давлат органларида очиқликни таъминлаш масалалари қўмитаси эксперти А.Бурханов маъруза билан иштирок этиб, ўз фикр-мулоҳазалари ва таклифларини бериб ўтди.

Хусусан,

• очиқлик индексини ҳисоблашга қаратилган Давлат органлари ва ташкилотлари фаолияти очиқлигини мониторинг қилиш ва баҳолаш бўйича методикани ишлаб чиқиш бўйича экспертларни жалб қилиш;
• АОКА билан биргаликда йил якунлари бўйича вазирлик ва идораларнинг очиқлик бўйича амалга оширган фаолиятлари сарҳисобига бағишланган форум ўтказиш. Унинг доирасида энг фаолларни аниқлаш ва рейтингларни эълон қилиш;
• Олий Мажлис Сенатининг Ахборот сиёсати ва давлат органларида очиқликни таъминлаш масалалари қўмитаси билан биргаликда жамоатчилик эшитуви, жамоатчилик мониторинги тадбирларини ўтказиш;
• Олий Мажлис Сенатининг Ахборот сиёсати ва давлат органларида очиқликни таъминлаш масалалари қўмитаси билан биргаликда маҳаллий кенгаш депутатлари имкониятларидан самарали фойдаланишга қаратилган механизм ишлаб чиқиш бўйича таклифлар илгари сурилди.