Агентлик директори Акмал Бурханов ҳамда Ўзбекистон Республикаси Президенти маслаҳатчиси Сума Чакрабарти иштирокида онлайн учрашув бўлиб ўтди
14 Июль 2021
1286-
Чоп этиш
Жорий йилнинг 13 июль куни Коррупцияга қарши курашиш агентлиги директори Акмал Бурханов ҳамда Ўзбекистон Республикаси Президенти маслаҳатчиси Сума Чакрабарти иштирокида онлайн учрашув бўлиб ўтди.
Қайд этилдики, коррупцияни қабул қилиш индексининг манбасини ташкил қилувчи 13 та индекснинг деярли барчасида Ўзбекистоннинг барқарор ўсиши кузатилган. Хусусан, “Bertelsmann foundation transformation index”, “The economist intelligence unit country report” кабилар шулар жумласидандир.
Ўз навбатида Сума Чакрабарти мамлакатимизда коррупцияга қарши курашишда қабул қилинаётган қарор ҳамда фармонларни юкори баҳолаб, ўз фикрларини баён этди:
-Ўзбекистонда Коррупцияга қарши курашиш агентлигининг ташкил этилгани муҳим сиёсий аҳамиятга эга. Унга мустақил ташкилот сифатида ваколатлар берилиб, зарур ҳуқуқий асослар яратилмоқда. Ўйлайманки, Сизнинг олиб бораётган чора-тадбирларингиз жамиятда коррупцияни камайтиришда ўз самарасини беради.
