Ўзбекистон Республикаси Президентининг 2018 йил 4 июлдаги “Давлат органлари ҳузурида жамоатчилик кенгашлари фаолиятини ташкил этиш чора-тадбирлари тўғрисида”ги қарори ижросини таъминлаш мақсадида жорий йилнинг 15 январь куни Агентлик ҳузурида Жамоатчилик кенгаши ташкил этилган эди.

Бугунги кунга қадар ушбу кенгаш фаолияти давомида 10 дан ортиқ йиғилишлар ташкил этиб, Агентлик фаолиятини такомиллаштириш бўйича ўзининг таклиф ва тавсияларини бериб келмоқда.

Шунингдек, Кенгаш аъзолари Агентлик томонидан ташкил этиб келинаётган форум, анжуман, семинар-тренинглар ва бошқа тадбирларда фаол иштирок этмоқда.

Ушбу Кенгашнинг бугунги кунга қадар олиб борган фаолиятини муҳокама қилиш мақсадида жорий йилнинг 14 июль куни БМТ Гиёҳванд моддалар ва жиноятчилик бўйича бошқармаси ва БМТнинг Венадаги офиси вакиллари иштирокида онлайн учрашув ташкил этилди.

Учрашувда Агентлик директори Акмал Бурханов, БМТ ГЖБнинг Марказий Осиёдаги минтақавий вакили Ашита Миттал, БМТнинг Венадаги офиси Фуқаролик жамияти бўлинмаси раҳбари Мирелла Даммар ва бошқалар иштирок этди.

Тадбирда БМТнинг Венадаги офиси Коррупцияга қарши курашишда фуқаролик жамиятини жалб қилиш масалалари бўйича эксперти Жулия Кейтген томонидан Агентлик ҳузуридаги Жамоатчилик кенгашининг фаолияти юзасидан олиб борилган ўрганиш натижалари, хулоса ва таклифлар айтиб ўтилди.