Жорий йилнинг 28 сентябрь куни Коррупцияга қарши курашиш агентлиги раҳбарияти ҳамда Ўзбекистон Республикаси Президентининг халқаро маслаҳатчиси С.Чакрабарти идораси вакиллари ўртасида учрашув ташкил этилди.

Учрашувда С.Чакрабартининг Ўзбекистондаги идораси томонидан М.Бейнс, Й.Ким ва Н.Дарвишевлар иштирок этди.

Учрашувда Агентлик директори А.Бурханов С.Чакрабарти билан аввал ташкил этилган онлайн учрашувдан сўнг қабул қилинган йўл харитасининг ижро этилиш жараёни, коррупцияга қарши курашиш соҳасида амалга оширилган ислоҳотлар, шунингдек Агентлик фаолияти тўғрисида маълумот бериб ўтди.

Маълумот учун: Жорий йилнинг 13 июл куни Агентлик директори Акмал Бурханов ҳамда Ўзбекистон Республикаси Президенти маслаҳатчиси Сума Чакрабарти иштирокида онлайн учрашув ташкил этилган.

Шундан сўнг жорий йилнинг 19-август куни Агентлик директорининг ўринбосари Т.Хайдаров ҳамда С.Чакрабартининг Ўзбекистондаги идораси вакили Н.Дарвишев ўртасида учрашув ташкил этилган.

Шунингдек, С.Чакрабарти идораси вакиллари томонидан коррупцияга қарши курашиш соҳасида қисқа вақт ичида амалга оширилган ишлар юқори баҳоланиб, коррупцияга қарши курашиш борасидаги чора-тадбирларни жадаллаштириш ҳамда Агентлик зиммасига юклатиган вазифаларнинг самарали амалга оширилиши борасида таклиф ҳамда тавсияларини беришга тайёр эканликларини билдиришди.

Ўзаро мулоқот тарзида ташкил этилган мазкур учрашув якунида икки тараф вакиллари томонидан ҳамкорлик алоқаларини янада ривожлантириш юзасидан келишиб олинди.