Joriy yilning 28-sentabr kuni Korrupsiyaga qarshi kurashish agentligi rahbariyati hamda O‘zbekiston Respublikasi Prezidentining xalqaro maslahatchisi S.Chakrabarti idorasi vakillari o‘rtasida uchrashuv tashkil etildi.

Uchrashuvda S.Chakrabartining O‘zbekistondagi idorasi tomonidan M.Beyns, Y.Kim va N.Darvishevlar ishtirok etdi.

Uchrashuvda Agentlik direktori A.Burxanov S.Chakrabarti bilan avval tashkil etilgan onlayn uchrashuvdan so‘ng qabul qilingan yo‘l xaritasining ijro etilish jarayoni, korrupsiyaga qarshi kurashish sohasida amalga oshirilgan islohotlar, shuningdek Agentlik faoliyati to‘g‘risida ma’lumot berib o‘tdi.

Ma’lumot uchun: Joriy yilning 13 iyul kuni Agentlik direktori Akmal Burxanov hamda O‘zbekiston Respublikasi Prezidenti maslahatchisi Suma Chakrabarti ishtirokida onlayn uchrashuv tashkil etilgan.

Shundan so‘ng joriy yilning 19-avgust kuni Agentlik direktorining o‘rinbosari T.Xaydarov hamda S.Chakrabartining O‘zbekistondagi idorasi vakili N.Darvishev o‘rtasida uchrashuv tashkil etilgan.

Shuningdek, S.Chakrabarti idorasi vakillari tomonidan korrupsiyaga qarshi kurashish sohasida qisqa vaqt ichida amalga oshirilgan ishlar yuqori baholanib, korrupsiyaga qarshi kurashish borasidagi chora-tadbirlarni jadallashtirish hamda Agentlik zimmasiga yuklatigan vazifalarning samarali amalga oshirilishi borasida taklif hamda tavsiyalarini berishga tayyor ekanliklarini bildirishdi.

O‘zaro muloqot tarzida tashkil etilgan mazkur uchrashuv yakunida ikki taraf vakillari tomonidan hamkorlik aloqalarini yanada rivojlantirish yuzasidan kelishib olindi.