Жорий йилнинг 12-октябрь куни Коррупцияга қарши курашиш агентлиги ходимлари, Бош прокуратура Академияси раҳбарияти ва вакиллари ҳамда Европа Кенгашининг “Марказий Осиё – ҳуқуқ устуворлиги: очиқлик ва иқтисодий жиноятларга қарши курашишда ҳамкорлик” (CА ТАEC) дастури доирасида Европа Кенгаши экспертлари билан онлайн учрашув бўлиб ўтди. 

Учрашув давомида соҳага оид халқаро стандартлар ва илғор хорижий тажриба асосида Агентлик ходимларининг билим ва кўникмаларини ошириш ҳамда коррупциявий хавф-хатарларни баҳолашга қаратилган махсус ўқув курсларини Европалик экспертлар кўмагида ишлаб чиқиш ва амалиётга татбиқ этиш масалалари муҳокама қилинди. 

Тадбир якунида Агентлик экспертлари томонидан ўқув курслари бўйича ишлаб чиқилган техник топшириқ бўйича тегишли таклиф ва мулоҳазалар илгари сурилди.