Joriy yilning 12-oktabr kuni Korrupsiyaga qarshi kurashish agentligi xodimlari, Bosh prokuratura Akademiyasi rahbariyati va vakillari hamda Yevropa Kengashining “Markaziy Osiyo – huquq ustuvorligi: ochiqlik va iqtisodiy jinoyatlarga qarshi kurashishda hamkorlik” (CA TAEC) dasturi doirasida Yevropa Kengashi ekspertlari bilan onlayn uchrashuv bo‘lib o‘tdi. 

Uchrashuv davomida sohaga oid xalqaro standartlar va ilg‘or xorijiy tajriba asosida Agentlik xodimlarining bilim va ko‘nikmalarini oshirish hamda korrupsiyaviy xavf-xatarlarni baholashga qaratilgan maxsus o‘quv kurslarini Yevropalik ekspertlar ko‘magida ishlab chiqish va amaliyotga tatbiq etish masalalari muhokama qilindi. 

Tadbir yakunida Agentlik ekspertlari tomonidan o‘quv kurslari bo‘yicha ishlab chiqilgan texnik topshiriq bo‘yicha tegishli taklif va mulohazalar ilgari surildi.