Жорий йилнинг 22 октябрь куни Коррупцияга қарши курашиш агентлиги директори А.Бурханов Туркиянинг “Daily Sabah” журнали шарҳловчиси, TRT World телеканали журналисти Оруч Мерве Шебнемга интервью берди.

Учрашув давомида М.Шебнем Ўзбекистонда коррупцияга қарши курашиш соҳасида давлат сиёсатининг шаклланиши, ҳозирги кунда ушбу йўналишда олиб борилаётган ислоҳотлар, кўрилаётган чора-тадбирлар тўғрисидаги саволларига батафсил жавоблар олди.

Бундан ташқари суҳбатда Агентликнинг келгусидаги режа ва мақсадлари, шунингдек, мамлакатда коррупциянинг олдини олишга доир қонунчилик асосларининг такомиллаштирилиши сингари масалалар тўғрисида фикр алмашилди.