Joriy yilning 22 oktabr kuni Korrupsiyaga qarshi kurashish agentligi direktori A.Burxanov Turkiyaning “Daily Sabah” jurnali sharhlovchisi, TRT World telekanali jurnalisti Oruch Merve SHebnemga intervyu berdi.

Uchrashuv davomida M.SHebnem O‘zbekistonda korrupsiyaga qarshi kurashish sohasida davlat siyosatining shakllanishi, hozirgi kunda ushbu yo‘nalishda olib borilayotgan islohotlar, ko‘rilayotgan chora-tadbirlar to‘g‘risidagi savollariga batafsil javoblar oldi.
 

Bundan tashqari suhbatda Agentlikning kelgusidagi reja va maqsadlari, shuningdek, mamlakatda korrupsiyaning oldini olishga doir qonunchilik asoslarining takomillashtirilishi singari masalalar to‘g‘risida fikr almashildi.