Жорий йилнинг 27 октябрь куни Коррупцияга қарши курашиш агентлиги ҳамда Европа Кенгаши ҳамкорлигида давлат органлари ва Коррупцияга қарши курашиш бўйича ҳудудий кенгашлар учун давлат хизматида ҳалолликни таъминлаш, шу жумладан одоб-аҳлоқ қоидаларига оид онлайн семинар ташкил этилди.

Вебинарда 55 дан ортиқ давлат ташкилоти ва маҳаллий ҳокимликлар тузилмасидаги коррупцияга қарши курашиш масалаларига масъул бўлган ходимлар иштирок этдилар.

Тадбирда халқаро эксперт Айве Певкур томонидан Эстониянинг соҳага оид қонунчилиги, амалиёти, давлат хизматида ахлоқий хулқ-атворни тартибга солиш масалаларида батафсил маълумот берилди.