Joriy yilning 27 oktabr kuni Korrupsiyaga qarshi kurashish agentligi hamda Yevropa Kengashi hamkorligida davlat organlari va Korrupsiyaga qarshi kurashish bo‘yicha hududiy kengashlar uchun davlat xizmatida halollikni ta’minlash, shu jumladan odob-ahloq qoidalariga oid onlayn seminar tashkil etildi.

Vebinarda 55 dan ortiq davlat tashkiloti va mahalliy hokimliklar tuzilmasidagi korrupsiyaga qarshi kurashish masalalariga mas’ul bo‘lgan xodimlar ishtirok etdilar.

Tadbirda xalqaro ekspert Ayve Pevkur tomonidan Estoniyaning sohaga oid qonunchiligi, amaliyoti, davlat xizmatida axloqiy xulq-atvorni tartibga solish masalalarida batafsil ma’lumot berildi.