Жорий йилнинг 11 ноябрь куни Коррупцияга қарши курашиш агентлиги директори ўринбосари У.Тухташева ва Осиё Тараққиёт Банки вакиллари билан учрашув ўтказилди.

Маълумот учун: Аввалроқ, Осиё Тараққиёт Банки вакиллари билан учрашув 23 сентябрь куни ташкил этилган эди.

Мазкур мулоқотдан кўзланган мақсад Агентлик ва Осиё Тараққиёт Банки ўртасидаги ҳамкорлик йўналишларини кенгайтириш ва банк томонидан таклиф этилаётган Иқтисодий бошқарувни такомиллаштириш бўйича II босқич дастурининг кўлами ва тузилишини муҳокама қилишга қаратилган. 

Тадбир давомида Агентлик ва Осиё Тараққиёт Банки ўртасидаги лойиҳа доирасида амалга оширилиши режалаштирилган бир қатор ташаббуслар муҳокама этилди, шунингдек бўлажак лойиҳанинг дастлабки сиёсий чора-тадбирлари матрицасига киритилиши бўйича таклифлар билдирилди.

Учрашув якунида томонлар келгусидаги ҳамкорлик йўналишларини кенгайтириш ва алоқаларни янада мустаҳкамлаш, қолаверса, тадбир давомида илгари сурилган таклиф ва масалаларни ишчи тартибда кўриб чиқишда муҳокамаларни давом эттиришга келишиб олдилар.