Агентлик делегацияси вакиллари Германия Федератив Республикаси Адлия вазирлиги Германия халқаро ҳуқуқий ҳамкорлик жамияти (IRZ) вакили ҳамда Transparency International халқаро нодавлат ташкилоти кузатув кенгаши  аъзоси Ангела Рейтмаер билан учрашдилар.

Делегация раҳбари хорижий ҳамкасбларга Ўзбекистонда коррупциянинг олдини олиш ва унга қарши курашиш, мазкур соҳага нодавлат сектор вакилларини кенг жалб этиш, шунингдек мамлакатимизнинг халқаро рейтинг ва индекслардаги ўрнини яхшилаш бўйича амалга оширилаётган саъй-ҳаракатлар тўғрисида маълумот берди.

Ўз навбатида, А.Рейтмаер Ўзбекистонда соҳага оид ислоҳотларни эътироф этиб, делегация аъзоларини учрашув кун тартибига кўра, Германия тажрибаси билан таништирди ҳамда Ўзбекистон коррупцияга қарши курашиш тизимини такомиллаштириш ва унга халқаро стандартларни кенг жорий этишда IRZ экспертлари кўмагида қўллаб-қувватлашга тайёр эканлигини маълум қилди.