Жорий йилнинг 19 ноябрь куни Иқтисодий ҳамкорлик ва тараққиёт ташкилоти (ИҲТТ) Коррупцияга қарши курашиш бўлими вакиллари ҳамда Коррупцияга қарши курашиш агентлиги делегацияси ўртасида учрашув бўлиб ўтди.

Учрашув давомида ИҲТТ коррупцияга қарши курашиш тармоғининг Истанбул ҳаракатлар режаси мониторингининг 5-раундини ўтказиш юзасидан ўзаро фикр алмашилди. Шунингдек, ИҲТТнинг Халқаро бизнес операцияларини амалга оширишда чет эллик мансабдор шахсларнинг порахўрликка чек қўйиш тўғрисидаги конвенцияга Ўзбекистоннинг аъзо бўлиши масаласини ўрганишда экспертлик ёрдамини кўрсатиш таклифи муҳокама қилинди.

Мулоқотларда томонлар ўртасидаги ҳамкорлик алоқалари тобора кенгайтирилаётганига алоҳида урғу берилди. Маълум қилинишича, ИҲТТ томонидан амалга оширилаётган лойиҳанинг 2-босқичига старт берилмоқда  ва мазкур лойиҳага Агентликнинг бенефициар сифатида қўшилиши кўриб чиқилади.