“Ҳудудий электр тармоқлар” АЖда Коррупцияга қарши курашиш агентлиги ҳамкорлигида ташкил этилган “Очиқ эшиклар куни”да “комплаенс-назорат”  тизимининг коррупцияга қарши курашишдаги муҳим ўрни  хусусида атрофлича сўз юритилди. 

9 декабрь – Халқаро коррупцияга қарши курашиш кунига бағишланган “Антикоррупция ҳафталиги” доирасида ўтказилган ушбу тадбирда Агентлик ходимлари, акциядорлик жамияти мутасаддилари, бошқармалар бошлиқлари, мутахассислар, ОАВ ходимлари ҳамда туман кенгашлари депутатлари иштирок этди.

Қайд этилганидек, акциядорлик жамияти ва унинг тасарруфидаги корхоналарда “комплаенс-назорат” тизими йўлга қўйилган бўлиб, мазкур тузилма коррупцияга оид хавф-хатарларни баҳолаш ҳамда давлат хизматига “ҳалоллик” стандартларини жорий этишда муҳим аҳамият касб этмоқда. 

Тадбирда Агентлик мутахассислари томонидан ушбу тизим фаолиятини ҳар томонлама самарали ташкил этиш бўйича зарур тавсия ва кўрсатмалар берилди. 

“Очиқ эшиклар куни”да коррупция ва бошқа салбий иллатларга қарши курашишда келгусидаги вазифа ва мақсадлар ҳам муҳокама қилинди. Уларни амалга оширишда Коррупцияга қарши курашиш агентлиги билан узвий ҳамкорликни янада кучайтиришга қаратилган комплекс чора-тадбирлар белгилаб олинди.