Коррупцияга қарши курашиш агентлиги томонидан жисмоний ва юридик шахсларнинг ҳуқуқлари, эркинликлари, қонуний манфаатларини ҳимоя қилиш, халқ билан мулоқотини йўлга қўйишда тизимли ишлар амалга оширилмоқда.

Жумладан, Агентлик раҳбарияти ва ходимлари томонидан доимий равишда фуқароларни қабул қилиш амалиёти йўлга қўйилган. 

Бугун ҳам Агентлик директори А.Бурхановнинг фуқаролар билан навбатдаги шахсий қабули бўлиб ўтди. Мазкур шахсий қабулда Агентлик директори томонидан 16 нафар фуқаро қабул қилинди. 

Фуқароларнинг 11 нафарига ҳуқуқий тушунтириш берилди. Ижроси ўрганиш ва вақт талаб қиладиган 5 та мурожаат ижрога қабул қилинди ва ижроси назоратга олинди.

“Инсон қадри учун” тамойилини ҳаётга татбиқ этиш учун амалга оширилаётган бу каби саъй-ҳаракатлар аҳоли муаммоларининг ечими топилишига хизмат қилади ҳамда мурожаатларда кўрсатиб ўтилаётган коррупциявий ҳолатларни келтириб чиқараётган омилларни таҳлил қилган ҳолда уларни бартараф қилиш учун тегишли чора-тадбирларни ишлаб чиқилишига замин яратади.

Коррупцияга қарши курашиш агентлиги 

Ахборот хизмати