Коррупцияга қарши курашиш агентлиги масъул ходимлари “Янги Ўзбекистонни коррупциядан холи мамлакатга айлантиришда бирлашайлик!” шиори остида ташкил этиб келинаётган давра суҳбати, учрашув ва тарғибот тадбирларида фаол иштирок этиб келмоқда. 

Жумладан, куни кеча Ички ишлар вазирлиги академиясида “Адолат” социал-демократик партияси билан ҳамкорликда ўтказилган ана шундай тадбирда Агентлик, Бош прокуратура ходимлари, Тошкент кимё-технология институти вакиллари, партия фаоллари, шунингдек, Академия профессор-ўқитувчилари ва курсантлари коррупцияга қарши курашишга қаратилган чора-тадбирлар самарасида эришилаётган ютуқлар ҳамда галдаги муҳим вазифалар юзасидан ўзаро фикр алмашдилар. 

Иштирокчилар томонидан, хусусан, давлат хизматида халоллик стандартини жорий этиш, коррупцияга қарши курашиш ва олдини олиш соҳасида давлат сиёсатини шакллантириш ҳамда амалга ошириш чора-тадбирлари, коррупцияга қарши курашишда прокуратура органларининг роли, ушбу иллатнинг миллий давлат суверенитетига таҳдиди каби муҳим мавзуларга эътибор қаратилди.

Коррупцияга қарши курашиш агентлиги
 Ахборот хизмати