Korrupsiyaga qarshi kurashish agentligi masʼul xodimlari “Yangi Oʻzbekistonni korrupsiyadan xoli mamlakatga aylantirishda birlashaylik!” shiori ostida tashkil etib kelinayotgan davra suhbati, uchrashuv va targʻibot tadbirlarida faol ishtirok etib kelmoqda. 

Jumladan, kuni kecha Ichki ishlar vazirligi akademiyasida “Adolat” sotsial-demokratik partiyasi bilan hamkorlikda oʻtkazilgan ana shunday tadbirda Agentlik, Bosh prokuratura xodimlari, Toshkent kimyo-texnologiya instituti vakillari, partiya faollari, shuningdek, Akademiya professor-oʻqituvchilari va kursantlari korrupsiyaga qarshi kurashishga qaratilgan chora-tadbirlar samarasida erishilayotgan yutuqlar hamda galdagi muhim vazifalar yuzasidan oʻzaro fikr almashdilar. 

Ishtirokchilar tomonidan, xususan, davlat xizmatida xalollik standartini joriy etish, korrupsiyaga qarshi kurashish va oldini olish sohasida davlat siyosatini shakllantirish hamda amalga oshirish chora-tadbirlari, korrupsiyaga qarshi kurashishda prokuratura organlarining roli, ushbu illatning milliy davlat suverenitetiga tahdidi kabi muhim mavzularga eʼtibor qaratildi.

Korrupsiyaga qarshi kurashish agentligi
 Axborot xizmati