Аввал хабар берганимиздек, Жаҳон банки экспертлари томонидан Агентлик ходимларининг соҳада салоҳияти ва кўникмаларини кучайтириш мақсадида онлайн тарзда семинар-тренинглар ташкил этиб келинмоқда.

Жорий йилнинг 27 апрель куни ташкил этилган навбатдаги тренинг "Давлат секторида шаффофликни таъминлашда рақамли воситалар" мавзусига бағишланди. 

Унда Жаҳон Банки эксперти Дмитро Котляр тақдимот билан иштирок этди.

Тақдимотда шаффофликни таъминлаш ва коррупциявий ҳолатларни аниқлашда рақамли воситаларнинг аҳамияти, давлат тизимида рақамли воситалардан фойдаланишнинг асосий мулоҳазалари, уларни ишлаб чиқиш ва жорий этишда одатда учрайдиган муаммоларга тўхталиб ўтилди.

Шунингдек, иштирокчилар янги рақамли воситаларни ишлаб чиқиш ва жорий этишда фуқаролик жамияти ва ахборот воситаларининг ўрни юзасидан ҳам маълумотга эга бўлдилар.

Коррупцияга қарши курашиш агентлиги 
Ахборот хизмати