Швейцария Конфедерациясида бўлиб турган Ўзбекистон делегациясининг Швейцария Гендер тенглиги федерал идораси, Федерал кадрлар бошқармаси ҳамда Тараққиёт ва ҳамкорлик агентлиги вакиллари билан мулоқотлари бўлиб ўтди. 

Гендер тенглиги федерал идораси раҳбари билан ташкил этилган учрашувда коррупцияга қарши курашиш ва давлат бошқарувига аёлларни фаол жалб этиш масалалари муҳокама қилинди.

Федерал кадрлар бошқармаси вакиллари билан бўлиб ўтган мулоқотда Швейарияда кадрлар заҳирасини шакллантириш ва бошқариш сиёсати, давлат хизматчиларининг коррупцияга қарши билимларини ошириш ҳамда улар фаолиятида ҳалолликни таъминлашга оид тажрибасидан фойдаланиш истиқболлари борасида фикр юритилди. 

Ўз ўрнида, томонлар муҳокама қилинган масалалар юзасидан ўзаро ҳамкорликка тайёр эканликлари билдирилди.  

Швейцария тараққиёт ва ҳамкорлик агентлиги вакиллари билан ўлиб ўтган учрашувда ташриф давомида эришилган келишувларнинг дастлабки натижалари муҳокама қилиниб, швейцариялик ҳамкасблар билан ўзаро ҳамкорликни ривожлантириш мақсадида қўшма лойиҳаларни ишлаб чиқиш ва техник кўмак кўрсатиш дастурини амалга ошириш масаласи кўриб чиқилди. 

Шу билан, Коррупцияга қарши курашиш агентлиги делегациясининг Швейцария Конфедерациясига амалий ташрифи ўз якунига етди.

Коррупцияга қарши курашиш агентлиги

Ахборот хизмати