Коррупцияга қарши курашиш агентлиги томонидан коррупцияга қарши ички назорат тузилмалари ходимлари учун навбатдаги услубий қўлланмалар ишлаб чиқилди. 

Коррупциявий ҳавф-хатарларни аниқлаш ва баҳолашнинг ҳуқуқий асослари 

Мазкур нашрда коррупциянинг барча кўринишларига қарши самарали курашишда миллий қонунчилик асослари, шунингдек: 

- коррупциявий хавф-хатарларни аниқлаш ва баҳолашни ташкил этиш, уларнинг даражасини бартараф этиш чоралари; 

- Коррупцияга мойил бўлган муносабатлар электрон реестирини шакллантириш ва юритиш тартиби; 

- давлат ташкилотининг коррупсяига қарши курашиш дастури ва кўплаб бошқа муҳим масалалар қамраб олинган. 

Коррупцияга қарши кураш ишларининг самарадорлигини рейтинг баҳолаш тизими орқали рейтинг баҳолашдан ўтиш бўйича тавсиялар 

Ушбу тўплам давлат органлари ва ташкилотларига «Э-антиcор.уз» электрон платформаси орқали коррупцияга қарши курашиш ишларининг самарадорлигини рейтинг баҳолашдан ўтишда кўмаклашиш мақсадида ишлаб чиқилган. 

Тавсиялар давлат органлари ва ташкилотларига мажбурият юкламайди, бироқ рейтинг баҳолашда ижобий кўрсаткичларга эришишда муҳим манба бўлиб хизмат қилади. 

Коррупцияга қарши курашиш агентлиги

Ахборот хизмати