Бугунги кунда Агентлик ва Минтақавий мулоқот халқаро нодавлат ташкилоти ҳамкорлигида Ўзбекистонга Словениянинг Ёзеф Штефан институти эксперти ташрифи амалга оширилаётган бўлиб, унинг доирасида Агентлик фаолиятига электрон платформаларни янада кенгроқ жорий этиш ҳамда юклатиган вазифаларни сунъий интеллект ёрдамида, инсон омилисиз амалга ошириш масалалари ўрганилмоқда.

Маълумот учун: Ёзеф Штефан институти мутахассислари кўмагида Словениянинг Коррупциянинг олдини олиш комиссияси фаолиятида кўплаб электрон маҳсулотлар жорий этилган бўлиб, давлат органлари очиқлигини таъминлаш, давлат харидларида манфаатлар тўқнашувини аниқлаш ҳамда Интернет тармоғида жамоатчилик фикрини сунъий интеллект ёрдамида ўрганиш амалиёти қўлланилади.

Агентлик ташаббусига асосан, Словения ва Европанинг бошқа давлатларининг илғор амалиёти – сунъий интеллектга асосланган электрон дастурлар Ўзбекистонда жорий этилиши юзасидан муҳокамалар ташкил этилди.

Коррупцияга қарши курашиш агентлиги

Ахборот хизмати