Bugungi kunda Agentlik va Mintaqaviy muloqot xalqaro nodavlat tashkiloti hamkorligida Oʻzbekistonga Sloveniyaning Yozef Shtefan instituti eksperti tashrifi amalga oshirilayotgan boʻlib, uning doirasida Agentlik faoliyatiga elektron platformalarni yanada kengroq joriy etish hamda yuklatigan vazifalarni sun’iy intellekt yordamida, inson omilisiz amalga oshirish masalalari oʻrganilmoqda.

Ma’lumot uchun: Yozef Shtefan instituti mutaxassislari koʻmagida Sloveniyaning Korrupsiyaning oldini olish komissiyasi faoliyatida koʻplab elektron mahsulotlar joriy etilgan boʻlib, davlat organlari ochiqligini ta’minlash, davlat xaridlarida manfaatlar toʻqnashuvini aniqlash hamda Internet tarmogʻida jamoatchilik fikrini sun’iy intellekt yordamida oʻrganish amaliyoti qoʻllaniladi.

Agentlik tashabbusiga asosan, Sloveniya va Yevropaning boshqa davlatlarining ilgʻor amaliyoti – sun’iy intellektga asoslangan elektron dasturlar Oʻzbekistonda joriy etilishi yuzasidan  muhokamalar tashkil etildi.

Korrupsiyaga qarshi kurashish agentligi

Axborot xizmati