Коррупцияга қарши курашиш агентлигига фуқаро Ш.Ю Андижон вилояти Хўжаобод тумани ҳокимлигининг «Х.А» фермер хўжалигига тегишли 2 гектар ер майдонини «М.Ғ» фермер хўжалигига бириктириб берилганли ҳақидаги туман ҳокими қарорини олиш юзасидан амалий ёрдам сўраб мурожаат қилган эди. 

Агентлик томонидан мурожаатда келтирилган важларни тўлиқ ва холисона ўрганиб чиқиш мақсадида Андижон вилояти ҳокимлигига сўров хати юборилди. 

Шунга кўра, ушбу ҳолат мурожаатчи иштирокида туман ҳокимлигининг мутасаддилари томонидан жойига чиққан ҳолда ўрганиб чиқилди. 

Ўрганиш натижасига кўра, фуқаро Ш.Ю.га Хўжаобод тумани ҳокимлигининг «М.Ғ» фермер хўжалигига тегишли бўлган 2 гектар ер майдонининг қарор нусхаси тақдим этилиб, мурожаат ижобий ҳал этилди.

Коррупцияга қарши курашиш агентлиги

Ахборот хизмати