Korrupsiyaga qarshi kurashish agentligiga fuqaro Sh.Yu Andijon viloyati Xo‘jaobod tumani hokimligining “X.A” fermer xo‘jaligiga tegishli 2 gektar yer maydonini “M.G‘” fermer xo‘jaligiga biriktirib berilganli haqidagi tuman hokimi qarorini olish yuzasidan amaliy yordam so‘rab murojaat qilgan edi. 

Agentlik tomonidan murojaatda keltirilgan vajlarni to‘liq va xolisona o‘rganib chiqish maqsadida Andijon viloyati hokimligiga so‘rov xati yuborildi. 

Shunga ko‘ra, ushbu holat murojaatchi ishtirokida tuman hokimligining mutasaddilari tomonidan joyiga chiqqan holda o‘rganib chiqildi. 

O‘rganish natijasiga ko‘ra, fuqaro Sh.Yu.ga Xo‘jaobod tumani hokimligining “M.G‘” fermer xo‘jaligiga tegishli bo‘lgan 2 gektar yer maydonining qaror nusxasi taqdim etilib, murojaat ijobiy hal etildi.

Korrupsiyaga qarshi kurashish agentligi

Axborot xizmati