Мамлакатимиз Президентининг 2022 йил 30 майдаги “Ўзбекистон Республикасининг сейсмик хавфсизлигини таъминлаш тизимини янада такомиллаштириш чора-тадбирлари тўғрисида”ги Фармони ижросини таъминлаш мақсадида Агентлик ходимлари учун  Тошкент шаҳар Яккасарой туман Фавқулодда вазиятлар бўлими мутахассислари томонидан  ўқув машғулоти ўтказилди. 

Унда Aгентлик ходимларига мазкур Фармоннинг мазмун-моҳияти, хусусан, Ўзбекистон аҳолиси ва ҳудудининг сейсмик хавфсизлигини таъминлаш тизимини такомиллаштириш бўйича амалга оширилаётган ишлар бўйича батафсил маълумот берилди.

Шунингдек, зилзилаларнинг вужудга келиш механизми ва табиати, бундай фавқулодда вазиятларда қандай йўл тутиш кераклиги тушунтирилди. 

Ўқув машғулоти мобайнида ташкилот томонидан  бино ва иншоотларнинг зилзилабардошлигини таъминлаш  бўйича амалга оширилиши лозим бўлган зарур чоралар хусусида ҳам тўхталиб ўтилди.

Машғулотда зилзила ва унинг салбий оқибатларига бағишланган видеоролик намойиш қилинди. 

Коррупцияга қарши курашиш агентлиги 
Ахборот хизмати